ಓರ್ವಾಯಿ ಗ್ರಾಮದ ಸರ್ಕಾರಿ ಶಾಲೆಯ ಎಸ್ ಡಿಎಂಸಿ ಅಧ್ಯಕ್ಷರಾಗಿ ಕೆ.ವೆಂಕಟೇಶ್ ಅವಿರೋಧವಾಗಿ ಆಯ್ಕೆ

Team Udayavani, Jan 10, 2023, 2:23 PM IST

ಕುರುಗೋಡು: ಸಮೀಪದ ಓರ್ವಾಯಿ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮಂಗಳವಾರ ನೂತನ ಎಸ್ ಡಿಎಂಸಿ ಅಧ್ಯಕ್ಷರನ್ನು ಆಯ್ಕೆ ಮಾಡಲಾಯಿತು. ನೂತನ ಅಧ್ಯಕ್ಷರಾಗಿ ಕೆ.ವೆಂಕಟೇಶ್ ಉಪಾಧ್ಯಕ್ಷರಾಗಿ ಶ್ರೀ ದೇವಿ ಮತ್ತು ಇವರ ಜೋತೆಗೆ 18 ಜನ ನೂತನ ಸದಸ್ಯರನ್ನು  ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ ಎಂದು ಚುನಾವಣೆ ಅಧಿಕಾರಿ ದೀಪಕ್ ತಿಳಿಸಿದರು.

ಈ ಸಂದರ್ಭದಲ್ಲಿ ನೂತನ ಅಧ್ಯಕ್ಷ ಕೆ.ವೆಂಕಟೇಶ್ ಮಾತನಾಡಿ, ಶಾಲೆಯ ನೂತನ ಅಧ್ಯಕ್ಷರಾಗಿ ನನ್ನನು ಆಯ್ಕೆ ಮಾಡಿರುವುದು ಖುಷಿ ತಂದಿದೆ.ಅಲ್ಲದೇ ಮೊದಲಿಗೆ ತಮ್ಮೆಲ್ಲರಿಗೂ ಧನ್ಯವಾದಗಳು ತಿಳಿಸುತ್ತೇನೆ ಎಂದರು.

ಎಲ್ಲ ಸದಸ್ಯರನ್ನು ಹಾಗೂ ಗ್ರಾಮದ ಮುಖಂಡರನ್ನು ವಿಸ್ವಾಸಕ್ಕೆ ಪಡೆದು, ಸಲಹೆಗಳ ಮೇರೆಗೆ ಶಾಲೆಯ ಸರ್ವತೋಮುಖ ಅಭಿವೃದ್ಧಿಗೆ ಶ್ರಮೀಸಲಾಗುವುದು ಎಂದರು.

ಇನ್ನೂ ಶಾಲೆಯ ಅಭಿವೃದ್ಧಿಗೆ ತಾವೆಲ್ಲರೂ ಕೈಜೋಡಿಸಿ ಶಾಲೆಯನ್ನು ಮಾದರಿ ಶಾಲೆಯಾಗಿ ಮಾಡಲು ತಮ್ಮೆಲ್ಲರ ಸಹಕಾರ ಅತ್ಯಗತ್ಯ ಎಂದು ಹೇಳಿದರು.

ನೂತನ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷ ಮತ್ತು ಸದಸ್ಯರನ್ನು ಗ್ರಾಮದ ಮುಖಂಡರು ಸನ್ಮಾನಿಸಿ ಗೌರವಿಸಿದರು.

ಈ ಸಂದರ್ಭದಲ್ಲಿ ಕೋರಿ ವೀರೆಶ್, ಮಲ್ಲಿಕಾರ್ಜುನ, ಲಕ್ಷ್ಮಣ, ಕಂಬಾಳಿ ಗಾಂಧಿಲಿಂಗಪ್ಪ, ಬಿಜೆಪಿ ಪಂಪಾಪತಿ,ಶಿವರುದ್ರಪ್ಪ, ಎಂ.ಹುಲಿಗೇಶ್, ಎಂ.ಹನುಮಂತಪ್ಪ,ಎಂ.ಅಮರೇಶ್, ಆಟೋ ಹೊನ್ನಾರಪ್ಪ,ಜೋಗಿನ ತಿಪ್ಪೇಸ್ವಾಮಿ,ಎರ್ರೇಪ್ಪ, ಎಂ.ಗಾದಿಲಿಂಗಪ್ಪ, ಅವಳಿಗಿ ಮುದೇಪ್ಪ, ಮೆಸ್ಟ್ರು, ಹಳೆಮನೆ ಬಿಳಿಬಯಪ್ಪ, ಕೃಷ್ಣಪ್ಪ, ಹನುಮಂತಪ್ಪ, ಜಡೇಪ್ಪ, ಗೊ.ಅಂಬಣ್ಣ, ಈರಪ್ಪ,

ಪಿ.ಮುನಿಸಾಬ್, ಹುಸೇನಪ್ಪ ಸೇರಿದಂತೆ ಸರ್ವಸದಸ್ಯರು ಊರಿನ ಮುಖಂಡರು ಶಾಲೆಯ ಶಿಕ್ಷಕರು ಉಪಸ್ಥಿತರಿದ್ದರು.