ಕೋವಿಡ್‌ ಕ್ಲಿನಿಕ್‌ ಬಸ್‌ ಸಂಚಾರ

Team Udayavani, Jun 22, 2020, 2:56 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಕುರುಗೋಡು: ಜಿಪಂ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ವಿಮ್ಸ್‌ ಆಸ್ಪತ್ರೆ ನೇತೃತ್ವದಲ್ಲಿ ಕೋವಿಡ್‌ -19 ಫೀವರ್‌ ಕ್ಲಿನಿಕ್‌ ಸಂಚಾರಿ ಬಸ್‌ ಸಮೀಪದ ಎಮ್ಮಿಗನೂರು ಗ್ರಾಮದಲ್ಲಿ ಸಂಚರಿಸಿ ಜ್ವರ, ಶೀತ ಕಾಯಿಲೆಗಳ ಕುರಿತು ಜನರನ್ನು ಸ್ಕ್ರೀನಿಂಗ್‌ ಮಾಡಿದರು.

ವೈದ್ಯಾಧಿಕಾರಿ ಕೆ.ಪ್ರಹ್ಲಾದ್‌ ಮಾತನಾಡಿ, ಪ್ರತಿಯೊಬ್ಬರಲ್ಲಿ ಜ್ವರ, ಗಂಟಲು ನೋವು, ಕೆಮ್ಮು, ನೆಗಡಿಯಂತಹ ಲಕ್ಷಣಗಳು ಕಂಡುಬಂದಲ್ಲಿ ಸ್ಥಳೀಯರ ಬಳಿ ತೆರಳಿ ಸ್ವಯಂ ವರದಿ ಪಡೆದುಕೊಳ್ಳಿ. ಇದರಿಂದ ಭಯ ಪಡುವ ಅಗತ್ಯವಿಲ್ಲ. ಯಾವುದೇ ಕಾರಣಕ್ಕೂ ಸ್ವಯಂ ನಿರ್ಧಾರ ಮಾಡಿ ಔಷಧಿಗಳನ್ನು ತೆಗೆದುಕೊಳ್ಳಬೇಡಿ. ಕೂಡಲೇ ಜ್ವರ ತಪಾಸಣಾ ಕೇಂದ್ರಕ್ಕೆ ಭೇಟಿ ನೀಡಿ ಗಂಟಲು ದ್ರವದ ಪರೀಕ್ಷೆ ಮಾಡಿಸಿಕೊಳ್ಳಿ. ಕೋವಿಡ್ ದೃಢಪಟ್ಟಲ್ಲಿ ಅಂತವರನ್ನು ಗುಣಮುಖರನ್ನಾಗಿ ಮಾಡಲು ಜಿಲ್ಲಾಡಳಿತ ಮುಂಜಾಗ್ರತ ಕ್ರಮ ಕೈಗೊಂಡಿದೆ ಎಂದರು.

ಸುಮಾರು 180 ಕ್ಕೂ ಹೆಚ್ಚು ಜನರನ್ನು ತಪಾಸಣಾ ಮಾಡಿದರು. ಬಸವನಗೌಡ, ವಿಘ್ನೇಶ್‌, ಕೃಷ್ಣ ಮೂರ್ತಿ, ಶಿಕ್ಷಕ ಎಸ್‌.ರಾಮು, ಎಚ್‌. ಮಲ್ಲೇಶ ಇತರರು ಇದ್ದರು