ಜನಪ್ರತಿನಿಧಿಗಳು ಗ್ರಾಮಾಭಿವೃದ್ಧಿಗೆ ಶ್ರಮಿಸಿ: ಸೋಮಲಿಂಗಪ್ಪ

Team Udayavani, Aug 26, 2020, 7:01 PM IST

ಕುರುಗೋಡು: ಜನಪ್ರತಿನಿಧಿಗಳು ಗ್ರಾಮಾಭಿವೃದ್ಧಿಗೆ ಶ್ರಮಿಸಬೇಕೆಂದು ಸಿರುಗುಪ್ಪ ಕ್ಷೇತ್ರದ ಶಾಸಕ ಎಂ.ಎಸ್‌. ಸೋಮಲಿಂಗಪ್ಪ ತಿಳಿಸಿದರು.

ಅವರು ಸಮೀಪದ ಸಿರಿಗೇರಿ ಗ್ರಾಮದ ನಾಗನಾಥೇಶ್ವರ ದೇವಸ್ಥಾನದ ರಂಗಮಂದಿರ ಉದ್ಘಾಟನೆ ಹಾಗೂ ಸಿರಿಗೇರಿಯಿಂದ ಎಂ.ಸೂಗೂರುವರೆಗಿನ ರಸ್ತೆ ನಿರ್ಮಾಣ ಕಾಮಗಾರಿಗೆ ಚಾಲನೆ ನೀಡಿ ಮಾತನಾಡಿದರು. ನಾಗನಾಥೇಶ್ವರ ದೇವಸ್ಥಾನಕ್ಕೆ ಶಾಸಕರ ನಿಧಿಯಿಂದ 10 ಲಕ್ಷ ರೂ.ಅನುದಾನ ನೀಡಲಾಗಿದೆ. ಅದೇ ರೀತಿ ಸಿರಿಗೇರಿಯಿಂದ ಎಂ.ಸೂಗೂರು ರಸ್ತೆಗೆ ಒಂದು ಕೋಟಿ ರೂ. ಅನುದಾನ ನೀಡಲಾಗಿದೆ. ಗುತ್ತಿಗೆದಾರರು ಕಾಮಗಾರಿಯನ್ನು ಅಚ್ಚುಕಟ್ಟಾಗಿ ನೆರವೇರಿಸಿಕೊಂಡು ಹೋಗಬೇಕು. ಕೋವಿಡ್ ಹಿನ್ನೆಲೆಯಲ್ಲಿ ಜನ ಸಂಕಷ್ಟದಲ್ಲಿ ಇದ್ದಾರೆ. ಪ್ರತಿಯೊಬ್ಬರೂ ಸಹ ಇಂಥವರಿಗೆ ನೆರವಾಗಬೇಕೆಂಬ ಸಲಹೆ ನೀಡಿದರು.

ಈ ಸಂದರ್ಭದಲ್ಲಿ ಮಹಾರುದ್ರಗೌಡ, ಎಂ.ಎಸ್‌.ಸಿದ್ದಪ್ಪ, ಬಿಜೆಪಿ ಅಧ್ಯಕ್ಷ ಪಂಪನಗೌಡ, ವೀರಭದ್ರಗೌಡ, ವೀರೇಶ, ಮಲ್ಲಿಕಾರ್ಜುನಗೌಡ, ಬಕ್ಕಾಡೆ ಈರಯ್ಯ, ಅಡಿವೆಯ್ಯ ಸ್ವಾಮಿ, ಮುದಿಯಪ್ಪ, ದೊಡ್ಡಬಸಪ್ಪ, ಭಾಸ್ಕರ್‌ ರಾವ್‌, ಹೇಮರೆಡ್ಡಿ ಸೇರಿದಂತೆ ಬಿಜೆಪಿ ಮುಖಂಡರು ಉಪಸ್ಥಿತರಿದ್ದರು.