ಅರ್ಹ ಫಲಾನುಭವಿಗಳ ಸಾಲ ಮನ್ನಾಕ್ಕೆ ಮನವಿ

Team Udayavani, Aug 4, 2020, 1:35 PM IST

ಕೂಡ್ಲಿಗಿ: ಸಾಲಮನ್ನಾವಾಗದೆ ಉಳಿದಿರುವ ಅರ್ಹ ಫಲಾನುಭವಿಗಳ ಸಾಲಮನ್ನಾ ಮಾಡಬೇಕು ಮತ್ತು ಸಾಲ ಮರು ವಿತರಿಸುವುದರ ಬಗ್ಗೆ ಪ್ರಾಥಮಿಕ ಕೃಷಿ
ಪತ್ತಿನ ಸಹಕಾರ ಸಂಘ(ನಿ) ಇವರಿಂದ ಪಟ್ಟಣದ ತಹಶೀಲ್ದಾರ ಮೂಲಕ ಸಹಕಾರಿ ಸಚಿವರಿಗೆ ಮನವಿ ಪತ್ರವನ್ನು ಸಲ್ಲಿಸಲಾಯಿತು.

ಈ ಸಂದರ್ಭದಲ್ಲಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ(ನಿ) ಅಧ್ಯಕ್ಷ ನಂದಿವಿರೂಪಾಕ್ಷಿ ಮಾತನಾಡಿ, ಈಗಾಗಲೇ 2018-19ನೇ ಸಾಲಿನಲ್ಲಿ ಸಹಕಾರಿ ಸಂಘ
ಹಾಗೂ ರಾಷ್ಟ್ರೀಕೃತ ಬ್ಯಾಂಕುಗಳ ಅಲ್ಪಾವಧಿ ಸಾಲ ಮನ್ನಾ ಎಂದು ತಿಳಿಸಿದ್ದರು. ಆದರೆ ಅಂದಿನ ಸರ್ಕಾರ ಪ್ರತಿ ಕುಟುಂಬದ ಸಹಾಕಾರಿ ಸಂಘದಿಂದ ಪಡೆದ ಸಾಲದ ಒಂದು ಲಕ್ಷದವರೆಗೆ ಹಾಗೂ ರಾಷ್ಟ್ರೀಕೃತ  ಬ್ಯಾಂಕುಗಳ ಸಾಲದ ಎರಡು ಲಕ್ಷದವರೆಗೆ 2018 ಜುಲೈ 31ಕ್ಕೆ ಪುರ್ವನ್ವವಾಗುವಂತೆ ಸಾಲಮನ್ನಾ ಆದೇಶ ಪ್ರಕಟಗೊಂಡಿತ್ತು. ಆ ಹಿನ್ನೆಲೆಯಲ್ಲಿ ರೈತರು ಸಾಲ ಮನ್ನಾ ಸೌಲಭ್ಯ ಪಡೆದಿದ್ದರು. ಕೆಲವೊಂದು ಆರ್ಹ ಫಲಾನುಭವಿಗಳು ಸಹಕಾರಿ ಸಂಘದಿಂದ ಪಡೆದ ಸಾಲಗಳು ಮನ್ನಾ ಆಗಿರುವುದಿಲ್ಲ. ಕಾರಣ ಕೇಳಿದರೆ ಏನಾದರೂ ಒಂದು ಬೇಜವಾªಬಾರಿ ಉತ್ತರವೆಂಬತೆ ನೀಡುತ್ತಿದ್ದಾರೆ. ಇತ್ತ ಸಣ್ಣಪುಟ್ಟ ತಾಂತ್ರಿಕ ದೋಷಗಳು ಹಾಗೂ ಅಧಿಕಾರಿಗಳ ನಿರ್ಲಕ್ಷದಿಂದ ಸಾಲಮನ್ನಾ ಆಗಿರುವುದಿಲ್ಲ ಎಂಬುವುದು ರೈತರ ಅಳಲಾಗಿದೆ ಎಂದು ತಿಳಿಸಿದರು.

ನಂದಿ ನಂದೀಶ ಮಾತನಾಡಿ, ಮುಂಗಾರು ಜೀವನವನ್ನು ನಿಭಾಯಿಸಲು ಸಾಧ್ಯವಿಲ್ಲದ ಪರಿಸ್ಥಿತಿ ನಿರ್ಮಾಣವಾಗಿದೆ. ಆದ ಕಾರಣ ಸಹಕಾರ ಪತ್ತಿನ ಸಂಘ ಇನ್ನಿತರ ರಾಷ್ಟ್ರೀಕೃತ ಬ್ಯಾಂಕುಗಳ ಸುಗಮ ವ್ಯವಹಾರಕ್ಕೆ ತೊಂದರೆ ಆಗುತ್ತಿದೆ. ಕೂಡಲೇ ಸಾಲ ಪಡೆದ ಸಾಲಮನ್ನಾಗೆ ರೈತರ ಖಾತೆಗಳಿಗೆ ಸಾಲಮನ್ನಾ ಮೊತ್ತವನ್ನು ಜಮಾ ಮಾಡಿ ಮರು ಸಾಲ ವಿತರಿಸಿ ರೈತರ ಗೊಂದಲಗಳಿಗೆ ತೆರೆ ಎಳೆಯಬೇಕು ಎಂದರು. ಈ ಸಂದರ್ಭದಲ್ಲಿ ನಂದಿ ಸಿದ್ದೇಶ, ತುಕರಾಂ,
ನಾಗರಾಜ, ಹೂಲೆಪ್ಪ, ಮಂಜು ಬಸವರಾಜ, ಬಂಗಾರಪ್ಪ ಇದ್ದರು.