Siruguppa; ಬೈಕ್ ಸ್ಕಿಡ್; ಪೊಲೀಸ್ ಪೇದೆ ಸಾವು

Team Udayavani, Dec 2, 2024, 3:38 PM IST

ಸಿರುಗುಪ್ಪ:ಹಚ್ಚೊಳ್ಳಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಬರುವ ಚಿಕ್ಕಬಳ್ಳಾರಿ ಸಮೀಪ ಪೊಲೀಸ್‌ ಪೇದೆಯೊಬ್ಬರು ಬೈಕ್‌ ಸ್ಕಿಡ್‌ ಆಗಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ ಘಟನೆ ಸೋಮವಾರ (ಡಿ.2) ಮಧ್ಯಾಹ್ನ ನಡೆದಿದೆ.

ಹಚ್ಚೊಳ್ಳಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪೇದೆಯಾಗಿ ಕಾರ್ಯನಿರ್ವಹಿಸುತ್ತಿದ್ದ ಇನಾಯತ್ (46) ಇವರು ಮೃತ ದುರ್ದೈವಿ.

ಹಚ್ಚೊಳ್ಳಿ ಪೊಲೀಸ್ ಠಾಣೆಯಲ್ಲಿ ಕರ್ತವ್ಯ ಮುಗಿಸಿಕೊಂಡು ಸಿರುಗುಪ್ಪಕ್ಕೆ ಬೈಕ್‌ನಲ್ಲಿ ಬರುವ ದಾರಿಯಲ್ಲಿ ಹಾಕಿದ್ದ ಭತ್ತದ ರಾಶಿ ಮತ್ತು ಭತ್ತದ ಹುಲ್ಲಿನ ಮದ್ಯೆ ಬೈಕ್ ಸ್ಕಿಡ್ ಆಗಿ ತೀವ್ರವಾಗಿ ಗಾಯಗೊಂಡು ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ.

ಈ ಬಗ್ಗೆ ಹಚ್ಚೊಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಘಟನಾ ಸ್ಥಳಕ್ಕೆ ಎಸ್.ಪಿ. ಡಾ.ಶೋಭಾರಾಣಿ ಬೇಟಿನೀಡಿ ಪರಿಶೀಲನೆ ನಡೆಸಿ ಅಧಿಕಾರಿಗಳಿಂದ ಮಾಹಿತಿ ಪಡೆದರು.

ಮೃತ ಪೊಲೀಸ್ ಪೇದೆ ಪತ್ನಿ, ಇಬ್ಬರು ಪುತ್ರರು, ಒಬ್ಬ ಪುತ್ರಿಯನ್ನು ಅಗಲಿದ್ದಾರೆ.