Contractor Sachin Case: ಎರಡನೇ ದಿನವೂ ತನಿಖೆ ಮುಂದುವರಿಸಿದ ಸಿಐಡಿ ತಂಡ

Team Udayavani, Jan 4, 2025, 2:12 PM IST

ಬೀದರ್:‌ ಗುತ್ತಿಗೆದಾರ ಸಚಿನ್‌ ಪಾಂಚಾಳ್ ಆತ್ಮಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿಐಡಿ ಅಧಿಕಾರಿಗಳ ತಂಡ ಎರಡನೇ ದಿನವಾದ ಶನಿವಾರವೂ (ಜ.04) ತನಿಖೆಯನ್ನು ಮುಂದುವರೆಸಿದೆ.

ಶುಕ್ರವಾರ ಸಚಿನ್ ಆತ್ಮಹತ್ಯೆ ಮಾಡಿಕೊಂಡಿದ್ದ ರೈಲ್ವೆ‌ ಹಳಿಯ ಬಳಿ‌ ಸ್ಥಳದ ಮಹಜರು ಮಾಡಿದ್ದ ಸಿಐಡಿ‌ ಡಿವೈಎಸ್ಪಿ ಸುಲೇಮಾನ್ ತಹಸೀಲ್ದಾರ್ ನೇತೃತ್ವದ ತಂಡ‌, ಇಂದು‌‌ ಸಾವಿಗೂ ಎರಡು ದಿನ ಮುನ್ನ ಬಿಯರ್ ಮತ್ತು ಊಟ ಸೇವಿಸಿದ್ದ ಹೊಟೇಲ್ ಗೆ ತೆರಳಿ ಸಚಿನ್‌ ಚಲನವಲನಗಳ ಧೃಶ್ಯಾವಳಿಗಳನ್ನು ಪರಿಶೀಲಿಸಿ, ಅದನ್ನು ಪೆನ್‌ ಡ್ರೈವ್‌ ನಲ್ಲಿ‌ ಹಾಕಿಕೊಂಡಿದೆ.

ಜತೆಗೆ ಸಚಿನ್‌ಗೆ ಊಟ ಸರ್ವ್‌ ಮಾಡಿದ್ದ ಮತ್ತು ಫೋನ್‌ ಪೇ ಮೂಲಕ ಹಣ ಹಾಕಿಸಿಕೊಂಡಿದ್ದ ಮೋಹನ್‌ ಎಂಬುವರ ವಿಚಾರಣೆ ಮಾಡಿದೆ.

ಸಾಯಂಕಾಲ‌ ಮತ್ತೆ ಸಚಿನ್‌ ಕುಟುಂಬಸ್ಥರ ವಿಚಾರಣೆ ನಡೆಸಲಿದೆ ಎಂದು ಮೂಲಗಳು ‌ತಿಳಿಸಿವೆ.