ವರ್ಷ ವಾಸ ಕಾರ್ಯಕ್ರಮ ಮುಕ್ತಾಯ

Team Udayavani, Oct 7, 2017, 12:42 PM IST

ಬೀದರ: ಇಲ್ಲಿನ ಆನಂದ ನಗರದ ಬುದ್ಧ ವಿಹಾರದಲ್ಲಿ ಪೂರ್ಣಿಮಾ ದಿನದಂದು ವರ್ಷ ವಾಸ ಕಾರ್ಯಕ್ರಮದ ಮುಕ್ತಾಯ ಸಮಾರಂಭ ಜರುಗಿತು.

ಕಲಬುರಗಿಯ ಚಿಂತಕ ಪ್ರೊ| ಆರ್‌.ಕೆ. ಹುಡಗಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಅಂಬೇಡ್ಕರರ ಕನಸು ನನಸು ಮಾಡಬೇಕಾದರೆ ತಮ್ಮ ಜೀವನದಲ್ಲಿ ಬಾಬಾ ಸಾಹೇಬರ ತತ್ವ, ಆದರ್ಶಗಳನ್ನು ಪಾಲಿಸಬೇಕು ಎಂದು ಕರೆ ನೀಡಿದರು.

ಆಣದೂರ ವೈಶಾಲಿ ನಗರದ ಶ್ರೀ ಭಂತೆ ವರಜ್ಯೋತಿ ಹಾಗೂ ಮೈಂತಿಪಾಲ ಸಾನ್ನಿಧ್ಯ ವಹಿಸಿ ಮಾತನಾಡಿ, ಮಹಾತ್ಮಾ ಗೌತಮ ಬುದ್ಧರ ಸಂದೇಶ ಸಾರುತ್ತ, ವಿಶ್ವಕ್ಕೆ ಶಾಂತಿ ಸಂದೇಶ ನೀಡಿದ ಏಕೈಕ ಧರ್ಮ ಬುದ್ಧ ಧರ್ಮ ಎಂದು ಹೇಳಿದರು. 

ವೈಜಿನಾಥ ಶಿಂಧೆ ಅಧ್ಯಕ್ಷತೆ ವಹಿಸಿದ್ದರು. ಜಗನ್ನಾಥ ಬಡಿಗೇರ ಹಾಗೂ ಆರ್‌. ಕೆ. ವಾಘಮಾರೆ ವೇದಿಕೆಯಲ್ಲಿದ್ದರು. ಸುಂದರ, ಹುಸೇನಿ, ಶಿವಕುಮಾರ, ನರಸಿಂಗ್‌, ಬಾಬುರಾವ್‌ ನಾಗರಾಳೆ, ಬಾಬುರಾವ್‌ ಶಿಂಧೆ ಉಪಸ್ಥಿತರಿದ್ದರು. ಡಾ| ಕಾಶಿನಾಥ ಚಲುವಾ ನಿರೂಪಿಸಿದರು. ಶಂಕರರಾವ್‌ ಶಿಂಧೆ ಸ್ವಾಗತಿಸಿದರು. ಜಿ. ನಿವರ್ತಿರಾವ್‌ ವಂದಿಸಿದರು.