ಕೋವಿಡ್ ವಾರಿಯರ್ಸ್ ಗಳಿಗೆ ಸನ್ಮಾನ

Team Udayavani, May 15, 2020, 6:27 PM IST

ಸಾಂದರ್ಭಿಕ ಚಿತ್ರ

ಹೂವಿನಹಿಪ್ಪರಗಿ: ಮಲ್ಲಯ್ಯನ ದೇವಾಲಯದಲ್ಲಿ ದೇವಸ್ಥಾನ ಕಮಿಟಿ ವತಿಯಿಂದ ಕೋವಿಡ್ ವಿರುದ್ಧ ಹೋರಾಟದಲ್ಲಿ ಶ್ರಮಿಸುತ್ತಿರುವ ವಾರಿಯರ್ಗೆ ಸನ್ಮಾನಿಸಲಾಯಿತು.

ಆಯುಷ್ಯ ವೈದ್ಯಾಧಿಕಾರಿ ಡಾ| ಬಸವರಾಜ ಸಂದಿಮನಿ ಮಾತನಾಡಿ, ವೈದ್ಯರೆಂದರೆ ನಾವು ದೇವರಲ್ಲ, ದೇವರಂತೆ ದೈವ ತೊರುವ ಮನುಷ್ಯರಷ್ಟೆ. ಜೀವ ನಮಗೂ ಇದೆ ನಮ್ಮ ಸಿಬ್ಬಂದಿ ಎಚ್ಚರದಿಂದ ಕಾರ್ಯ ಮಾಡಬೇಕು ಎಂದರು. ದೇವರಹಿಪ್ಪರಗಿ ಕ್ಷೇತ್ರದ ಜೆಡಿಎಸ್ ಮುಖಂಡ ರಾಜುಗೌಡ ಪಾಟೀಲ ಕುದರಿ ಸಾಲವಾಡಗಿ ಮಾತನಾಡಿ, ವೈದ್ಯರು, ಆಶಾ, ಅಂಗನವಾಡಿ, ಪೊಲೀಸ್‌ ಹಾಗೂ ಪೌರಕಾರ್ಮಿಕರು ತಮ್ಮ ಜೀವದ ಹಂಗು ತೊರೆದು ಮನೆ ಮತ್ತು ಮಕ್ಕಳನ್ನು ಮರೆತು ಜನರ ಸೇವೆ ಮಾಡುತ್ತಿದ್ದು, ನಿಮಗೆ ಎಷ್ಟು ಕೃತಜ್ಞತೆ ಸಲ್ಲಿಸಿದರೂ ಕಡಿಮೆ ಎಂದು ಹೇಳಿದರು. ಮಸೂತಿ ಹಿರೇಮಠದ ಶ್ರೀ ಪ್ರಭುಕುಮಾರ ಸ್ವಾಮೀಜಿ, ಸಂಗಣ್ಣ ಬುರ್ಲಿ, ಅಶೋಕ ಬ್ಯಾಕೋಡ, ರಮೇಶ ಕೋರಿ, ಸಂಗಮೇಶ ಹಳ್ಳೂರ, ಮಹಿಳಾ ವೈದ್ಯಾಧಿಕಾರಿ ಡಾ| ಕಲ್ಪನಾ ಇದ್ದರು.