ಬೀದರ್: 91 ಕೆಜಿ ಆಲ್ಪಾಜೋಲಮ್ ಡ್ರಗ್, 62 ಲಕ್ಷ ರೂ. ವಶಕ್ಕೆ ಪಡೆದ ಎನ್ ಸಿಬಿ ಅಧಿಕಾರಿಗಳು

Team Udayavani, Jun 26, 2021, 1:23 PM IST

ಬೀದರ್: ಕೋಳಾರ ಕೈಗಾರಿಕಾ ಪ್ರದೇಶದ ಡ್ರಗ್ ತಯಾರಿಕಾ ಘಟಕದ ಮೇಲೆ ಬೆಂಗಳೂರು ಎನ್.ಸಿ.ಬಿ ಅಧಿಕಾರಿಗಳ ತಂಡ ದಾಳಿ ನಡೆಸಿ, 91 ಕೆ.ಜಿ ನಿಷೇಧಿತ ಆಲ್ಪಾಜೋಲಮ್ ಮಾದಕ ವಸ್ತು ಮತ್ತು 62 ಲಕ್ಷ ರೂಪಾಯಿ ನಗದು ಹಣ ಜಪ್ತಿ ಮಾಡಿಕೊಂಡಿರುವ ಘಟನೆ ಶನಿವಾರ ನಡೆದಿದೆ.

ಹೈದರಾಬಾದನ ಎನ್.ವಿ ರೆಡ್ಡಿ ಎಂಬುವರಿಗೆ ಸೇರಿದ ಇಂದು ಡ್ರಗ್ಸ್ ಪ್ರೈವೇಟ್ ಲಿಮಿಟೆಡ್ ಕೈಗಾರಿಕಾ ಘಟಕ ಮತ್ತು ರೆಡ್ಡಿ ಅವರ ನಿವಾಸದ ಮೇಲೆ‌ ಎನ್ ಸಿಬಿ ಬೆಂಗಳೂರು ವಲಯಾಧಿಕಾರಿ ಅಮಿತ್ ಗವಾಟೆ ನೇತೃತ್ವದ ಅಧಿಕಾರಿಗಳ ತಂಡ ದಾಳಿ ಮಾಡಿರುವ ಮಾಹಿತಿ ಲಭ್ಯವಾಗಿದೆ. ದಾಳಿ ವೇಳೆ ಘಟಕದಲ್ಲಿ 91 ಕೆ.ಜಿ ಡ್ರಗ್ಸ್ ಮತ್ತು ನಿವಾಸದಲ್ಲಿ 62 ಲಕ್ಷ ನಗದು ವಶಕ್ಕೆ ಪಡೆಯಲಾಗಿದೆ.

ಇದನ್ನೂ ಓದಿ:ಕೋವಿಡ್ 19: ಬ್ರಿಟನ್ ನಲ್ಲಿ 35 ಸಾವಿರಕ್ಕೂ ಅಧಿಕ ಡೆಲ್ಟಾ ರೂಪಾಂತರಿತ ಪ್ರಕರಣ ಪತ್ತೆ

ನಿಷೇಧಿತ ಮಾದಕ ವಸ್ತುಗಳನ್ನು ಕರ್ನಾಟಕದ ವಿವಿಧೆಡೆ, ಮಹಾರಾಷ್ಟ್ರ ಮತ್ತು ತೆಲಂಗಾಣಾಕ್ಕೆ ಸರಬರಾಜು ಮಾಡಲಾಗುತ್ತಿತ್ತು ಎಂದೆನ್ನಲಾಗಿದೆ.

ವೈ.ವಿ ರೆಡ್ಡಿ. ಎಸ್.ಮೆನನ್, ಎನ್.ವಿ.ರೆಡ್ಡಿ, ಅಮೃತ್ ಹಾಗೂ ಭಾಸ್ಕರ್ ಎಂಬುವವರು ವಶಕ್ಕೆ ಪಡೆದಿರುವ ಅಧಿಕಾರಿಗಳ ತಂಡ ವಿಚಾರಣೆ ನಡೆಸುತ್ತಿದೆ.