ಜಲಸಂಪನ್ಮೂಲ ಸಚಿವ ಕಾರಜೋಳ ಹೇಳಿಕೆಗೆ ಆಕ್ರೋಶ

Team Udayavani, Sep 17, 2022, 6:50 PM IST

ಬೀದರ: ಕಾರಂಜಾ ಸಂತ್ರಸ್ತರಿಗೆ ಭೂ ಪರಿಹಾರಕ್ಕೆ ಸಂಬಂಧಿಸಿದಂತೆ ಅಧಿವೇಶನದಲ್ಲಿ ಜಲಸಂಪನ್ಮೂಲ ಸಚಿವ ಗೋವಿಂದ ಕಾರಜೋಳ ಹೇಳಿಕೆ ಖಂಡಿಸಿ ನಗರದಲ್ಲಿ ಕಾರಂಜಾ ಸಂತ್ರಸ್ತರು ಶುಕ್ರವಾರ ಪ್ರತಿಭಟನೆ ನಡೆಸಿದರು.

ನಗರದಲ್ಲಿ ಕಳೆದ 78 ದಿನಗಳಿಂದ ಅಹೋರಾತ್ರಿ ಧರಣಿ ನಡೆಸುತ್ತಿರುವ ಕಾರಂಜಾ ಮುಳುಗಡೆ ಸಂತ್ರಸ್ತರ ಹಿತರಕ್ಷಣಾ ಸಮಿತಿ ನೇತೃತ್ವದಲ್ಲಿ ಸಂತ್ರಸ್ತರು ಡಿಸಿ ಕಚೇರಿವರೆಗೆ ರ್ಯಾಲಿ ನಡೆಸಿ ಡಿಸಿ ಗೋವಿಂದರೆಡ್ಡಿ ಅವರಿಗೆ ಮನವಿ ಸಲ್ಲಿಸಿದರು.

ಕಾರಂಜಾ ಸಂತ್ರಸ್ತರಿಗೆ ಕಾನೂನಿನ ಅಡಿಯಲ್ಲಿ ಪರಿಹಾರ ಕೊಡಲು ಬರುವುದಿಲ್ಲ. 25 ವರ್ಷಗಳು ಕಳೆದ ನಂತರ ಈಗ ಪರಿಹಾರ ಕೊಡುವುದು ಸಾಧ್ಯವಿಲ್ಲ ಎಂದು ಸಚಿವ ಕಾರಜೋಳ ನೀಡಿರುವ ಹೇಳಿಕೆ ಖಂಡನೀಯ ಎಂದು ಕಿಡಿಕಾರಿದರು.

ನಾಗಶೆಟ್ಟಿ, ಪ್ರೇಮದಾಸ, ಫರಿದಸಾಬ್‌, ವಿಜಯಕುಮಾರ, ರಾಜಶೇಖರ, ಮಡಿವಾಳಪ್ಪಾ, ಅಣ್ಣೆಪ್ಪಾ, ಸುಧಾಕರ, ಗುಡುಸಾಬ್‌, ಸೂರ್ಯಕಾಂತ, ಮಾದಪ್ಪಾ, ಲಕ್ಷ್ಮೀಬಾಯಿ ಇದ್ದರು.