ಸಹೋದರಿಯರಿಬ್ಬರ ಅನುಮಾನಾಸ್ಪದ ಸಾವು

Team Udayavani, Mar 17, 2022, 3:32 PM IST

ಭಾಲ್ಕಿ: ತಾಲೂಕಿನ ಅಟ್ಟರಗಾ ಗ್ರಾಮದ ಒಂದೇ ಕುಟುಂಬದ ಸಹೋದರಿಯರಾದ ಅಂಕಿತಾ ಗೋವಿಂದರಾವ ಮೋರೆ (16) ಮತ್ತು ಶ್ರದ್ಧಾ ಗೋವಿಂದರಾವ ಮೋರೆ (20) ಮಂಗಳವಾರ ತಮ್ಮ ಸ್ವಂತ ಹೊಲದ ಬಾವಿಯಲ್ಲಿ ಬಿದ್ದು ಅನುಮಾನಾಸ್ಪದವಾಗಿ ಸಾವನ್ನಪ್ಪಿದ ಘಟನೆ ನಡೆದಿದೆ.

ಕಿರಿಯ ಸಹೋದರಿ ಅಂಕಿತಾ ಮೆಹಕರ್‌ ಗ್ರಾಮದ ಸರ್ಕಾರಿ ಶಾಲೆಯಲ್ಲಿ 9ನೇ ತರಗತಿಯಲ್ಲಿ ಓದುತ್ತಿದ್ದಳು ಮತ್ತು ಹಿರಿಯ ಸಹೋದರಿ ಶ್ರದ್ಧಾ ವಲಂಡಿಯ ಕಾಲೇಜೊಂದರಲ್ಲಿ ಪಿಯು ದ್ವಿತೀಯ ವರ್ಷದಲ್ಲಿ ಓದುತ್ತಿದ್ದಳು. ಮೃತ ಸಹೋದರಿಯರ ತಂದೆ ಗೋವಿಂದರಾವ ಮೋರೆ ನೀಡಿರುವ ದೂರಿನ ಮೇರೆಗೆ ಮೆಹಕರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಘಟನಾ ಸ್ಥಳಕ್ಕೆ ಡಿವೈಎಸ್‌ಪಿ ಸೇರಿದಂತೆ ಹಿರಿಯ ಅಧಿಕಾರಿಗಳು ಭೇಟಿ ನೀಡಿ ಮಾಹಿತಿ ಕಲೆ ಹಾಕಿದ್ದಾರೆ ಎಂದು ಗ್ರಾಮೀಣ ಪೊಲೀಸ್‌ ಠಾಣೆಯ ಸಿಪಿಐ ವೀರಣ್ಣ ದೊಡ್ಡಮನಿ ತಿಳಿಸಿದ್ದಾರೆ. ಈ ಘಟನೆಯ ಸಂಬಂಧ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿಗಳ ಜೊತೆ ಮಾತನಾಡಿದ್ದು, ಸಹೋದರಿಯ ಸಾವು ಅನುಮಾನಾಸ್ಪದವಾಗಿದೆ.

ಪ್ರಕರಣವನ್ನು ಗಂಭೀರತೆಯಿಂದ ಪರಿಗಣಿಸಿ ಘಟನೆ ಹಿಂದೆ ಯಾರದೇ ಕೈವಾಡವಿದ್ದರೂ ಕೂಲಕುಂಶವಾಗಿ ತನಿಖೆ ನಡೆಸಿ ತಪ್ಪಿತಸ್ಥರಿಗೆ ಕಠಿಣ ಶಿಕ್ಷೆ ನೀಡಬೇಕು ಎಂದು ಕೆಪಿಸಿಸಿ ಕಾರ್ಯಾಧ್ಯಕ್ಷ, ಶಾಸಕ ಈಶ್ವರ ಖಂಡ್ರೆ ಟ್ವಿಟ್‌ ಮಾಡಿದ್ದಾರೆ.