ರಾಷ್ಟ್ರದ ಏಕತೆ ನಮ್ಮೆಲ್ಲರ ಬದ್ದತೆ ಆಗಲಿ

Team Udayavani, Nov 26, 2021, 6:08 PM IST

ಸೈದಾಪುರ: ದೇಶದ ಹಿತ ಕಾಯುವಲ್ಲಿ ಪ್ರತಿಯೊಬ್ಬರು ಪ್ರಾಮಾಣಿಕ ಪ್ರಯತ್ನ ಮಾಡಬೇಕು. ರಾಷ್ಟ್ರದ ಏಕತೆ ಕಾಪಾಡುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ ಎಂದು ಪ್ರಾಂಶುಪಾಲ ಶರಣಬಸಪ್ಪ ಅಭಿಪ್ರಾಯಪಟ್ಟರು.

ಕಡೇಚೂರು ಕೈಗಾರಿಕಾ ಉಪಕರಣಗಾರ ಮತ್ತು ತರಬೇತಿ ಕೇಂದ್ರದಲ್ಲಿ ಗುರುವಾರ ಹಮ್ಮಿಕೊಂಡಿದ್ದ ರಾಷ್ಟ್ರೀಯ ಏಕತಾ ಸಪ್ತಾಹ ನಿಮಿತ್ತ ವಿದ್ಯಾರ್ಥಿಗಳಿಗೆ ಪ್ರಮಾಣ ವಚನ ಬೋಧಿಸಿ ಮಾತನಾಡಿದ ಅವರು, ಹೋರಾಟಗಾರರ ಒಗ್ಗಟ್ಟಿನ ಹೋರಾಟದ ಫಲವಾಗಿ ನಾವಿಂದು ಸ್ವತಂತ್ರರಾಗಿದ್ದೇವೆ. ಆದರೆ ಇತ್ತೀಚಿನ ದಿನಗಳಲ್ಲಿ ಆರ್ಥಿಕ, ಸಾಮಾಜಿಕ, ರಾಜಕೀಯ ವಿಚಾರಗಳಿಗಾಗಿ ದೇಶದ ಏಕತೆಗೆ ಧಕ್ಕೆಯಾಗುತ್ತಿರುವುದು ಅತ್ಯಂತ ನೋವಿನ ಸಂಗತಿ ಎಂದರು.

ಈ ವೇಳೆ ಜಿಟಿಟಿಸಿಯ ವೆಂಕಟರಾವ ಕುಲ್ಕರ್ಣಿ, ವಿಜಯಕುಮಾರ ಬಿರಾದಾರ್‌, ಪ್ರಿಯಾಂಕ ದಿವಟಗಿ, ಸುಧಾರಾಣಿ, ಭೋಗಮ್ಮ ಸೇರಿದಂತೆ ತರಬೇತಿ ನಿರತ ವಿದ್ಯಾರ್ಥಿಗಳು ಇದ್ದರು.