ಭಂಟನೂರ ಗ್ರಾಪಂಗೆ ಮಲ್ಲಮ್ಮ  ಅಧ್ಯಕ್ಷೆ 

Team Udayavani, Jan 12, 2022, 10:46 PM IST

ತಾಳಿಕೋಟೆ: ಭಂಟನೂರ ಗ್ರಾಪಂ ಅಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಮಲ್ಲಮ್ಮ ನಾನಾಗೌಡ ಆನೇಸೂರ 13 ಮತಗಳ ಅಂತರದಿಂದ ಅಧ್ಯಕ್ಷರಾಗಿ ಆಯ್ಕೆಗೊಂಡಿದ್ದಾರೆ. ಹಿಂದಿನ ಅಧ್ಯಕ್ಷೆ ಚನ್ನಮ್ಮ ಬಸವರಾಜ ವಾಲಿಕಾರ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಲ್ಲದೇ ಮರು ಆಯ್ಕೆ ಬಯಸಿ ಪೈಪೋಟಿ ನಡೆಸಿದ್ದರು.

ಚುನಾವಣೆಯಲ್ಲಿ ಮಲ್ಲಮ್ಮ ಆನೇಸೂರ 13 ಮತ ಪಡೆದರೆ, ಚನ್ನಮ್ಮ ವಾಲಿಕಾರ 6 ಮತ ಪಡೆದು ಪರಾಭವಗೊಂಡರು. ಒಟ್ಟು 19 ಜನ ಸದಸ್ಯ ಬಲ ಹೊಂದಿದ್ದ ಭಂಟನೂರ ಗ್ರಾಪಂ ಅಧ್ಯಕ್ಷ ಚುನಾವಣೆಯಲ್ಲಿ ಎಲ್ಲರೂ ಉಪಸ್ಥಿತರಿದ್ದು ಮತದಾನದ ಹಕ್ಕು ಚಲಾಯಿಸಿದರು. ಚುನಾವಣಾ  ಧಿಕಾರಿಯಾಗಿ ತಾಪಂ ಇಒ ಬಿ.ಆರ್‌. ಬಿರಾದಾರ, ಸಹಾಯಕರಾಗಿ ಬಸನಗೌಡ ಚೌದ್ರಿ, ಪಿಡಿಒ ಎಸ್‌ .ಐ. ದಳವಾಯಿ ಕಾರ್ಯ ನಿರ್ವಹಿಸಿದರು. ¬

ವಿಜಯೋತ್ಸವ: ಭಂಟನೂರ ಗ್ರಾಪಂ ನೂತನ ಅಧ್ಯಕ್ಷರಾಗಿ ಮಲ್ಲಮ್ಮ ಆನೇಸೂರ ಆಯ್ಕೆಯಾಗುತ್ತಿದ್ದಂತೆ ಮುಖಂಡರಾದ ಸುರೇಶಬಾಬುಗೌಡ ಬಿರಾದಾರ(μàರಾಪೂರ) ನೇತೃತ್ವದಲ್ಲಿ ಕಾರ್ಯಕರ್ತರು ಪಟಾಕಿ ಸಿಡಿಸಿ ವಿಜಯೋತ್ಸವ ಆಚರಿಸಿದರು. ಈ ವೇಳೆ ಶಂಕರಗೌಡ ದೇಸಾಯಿ, ಹಣಮಗೌಡ ಬಸರಡ್ಡಿ, ಈಸುಗೌಡ ನಾಡಗೌಡ, ಪಂಚಯ್ಯ ಹಿರೇಮಠ, ಬಸನಗೌಡ ಬಸರಡ್ಡಿ, ಭೀಮಣ್ಣ ಚೌದ್ರಿ, ಗೌಡಪ್ಪಗೌಡ ಪದರಡ್ಡಿ, ಸೋಮನಗೌಡ ದೊಡಮನಿ, ಚಂದ್ರಶೇಖರ ಆಲ್ಯಾಳ, ಸಂಗನಗೌಡ ಪಾಟೀಲ, ದೇವು ಗೊಟಗುಣಕಿ, ಗುರುಪ್ರಸಾದ ಬಿ.ಜಿ, ದೇವಪ್ಪ ಪೂಜಾರಿ, ಸಿದ್ದು ಬಾರಿಗಿಡದ, ಸಂಗನಗೌಡ ಇಂಗಳಗೇರಿ, ಅರವಿಂದ ಹಾಲಣ್ಣವರ, ಪ್ರವೀಣ್‌ ಬಿ, ಸೋಮನಗೌಡ ಆನೇಸೂರ, ಬಸವರಾಜ ಸಿಂಗನಳ್ಳಿ, ಬಿ.ಜಿ. ಬಿರಾದಾರ, ರಾಮನಗೌಡ ಭಂಟನೂರ, ಶಶಿಕುಮಾರ ಇಂಗಳಗೇರಿ, ಎಂ.ಎಂ.ಪಾಟೀಲ, ರಾಜುಗೌಡ ಕೊಳೂರ ಇದ್ದರು.