ತೊಗರಿ ಬೀಜಕ್ಕೆ ಕಾಯುತ್ತಿರುವ ರೈತ

Team Udayavani, Jun 18, 2020, 4:52 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಮುದ್ದೇಬಿಹಾಳ: ಢವಳಗಿ ಯಲ್ಲಿರುವ ರೈತ ಸಂಪರ್ಕ ಕೇಂದ್ರದಲ್ಲಿ ತೊಗರಿ ಬೀಜದ ಸ್ಟಾಕ್‌ ಖಾಲಿ ಆಗಿದ್ದು ತೊಗರಿ ಬಿತ್ತಲು ಜಮೀನು ಹದ ಮಾಡಿಕೊಂಡಿರುವ ರೈತರ ಪರದಾಟಕ್ಕೆ ಕಾರಣವಾಗಿದೆ.

ಬಿತ್ತನೆ ಬೀಜಗಳು ಅಗತ್ಯ ಪ್ರಮಾಣದಲ್ಲಿ ಲಭ್ಯವಿವೆ ಎಂದು ಕೃಷಿ ಅಧಿಕಾರಿಗಳು ಹೇಳುತ್ತಾರೆ. ಆದರೆ ಇಲ್ಲಿ ನೋಡಿದರೆ ಸ್ಟಾಕ್‌ ಇಲ್ಲ ಎಂದು ರೈತರನ್ನು ಸಾಗಹಾಕಲಾಗುತ್ತಿದೆ. ಈಗಾಗಲೇ ಹತ್ತು ಟನ್‌ ಬೀಜವನ್ನು ರೈತರಿಗೆ ಹಂಚಿಕೆ ಮಾಡಲಾಗಿದೆ. ಇನ್ನೂ 300 ಕ್ವಿಂಟಲ್‌ ಬೀಜಗಳ ಅವಶ್ಯಕತೆ ಇದೆ ಎಂದು ಕೃಷಿ ಇಲಾಖೆ ಅಧಿಕಾರಿ ಪ್ರಭುಗೌಡ ಕಿರದಳ್ಳಿ ಹೇಳುತ್ತಾರೆ.

ತೊಗರಿ ಬೀಜಕ್ಕಾಗಿ ದಿನನಿತ್ಯದ ಅಲೆದಾಡಿ ಅಲೆದಾಡಿ ಸಾಕಾಗಿ ಹೋಗಿದೆ ಇಂದು ಕೂಡಾ ಬೀಜಕ್ಕಾಗಿ ಬಂದರೆ ಖಾಲಿಯಾಗಿದೆ ಎನ್ನುವ ಉತ್ತರ ಬರುತ್ತಿದೆ. ಈಗ ಉತ್ತಮ ಮಳೆ ಆಗುತ್ತಿದ್ದು ಬಿತ್ತಬೇಕೆಂದರೆ ಬೀಜಗಳು ಇಲ್ಲ. ಕೇಳಿದರೆ ನೀವು ಮನೆಯಲ್ಲಿಯೇ ಬೀಜಗಳು ಕಾಯ್ದು ಇಡಬೇಕು ಎಂದು ಇಲ್ಲಿನ ಕೃಷಿ ಇಲಾಖೆ ಅಧಿಕಾರಿ ಒಬ್ಬರು ಹೇಳುತ್ತಾರೆ.ಬೀಜಗಳು ಖಾಲಿಯಾಗಿವೆ ನಾಳೆ ಬನ್ನಿ ಎಂದು ಹೇಳುತ್ತಿದ್ದಾರೆ ಎಂದು ಹಳ್ಳೂರು ಗ್ರಾಮದ ರೈತ ದಸ್ತಗೀರ್‌ ಅಳಲು ತೋಡಿಕೊಂಡಿದ್ದಾರೆ.