ಹಳೆ ವಿದ್ಯುತ್‌ ತಂತಿ ಬದಲಿಸಿ

Team Udayavani, Dec 20, 2021, 6:12 PM IST

ಇಂಡಿ: ತಾಲೂಕಿನಾದ್ಯಂತ ಸುಮಾರು ವರ್ಷಗಳಿಂದ ಹಳೆ ವಿದ್ಯುತ್‌ ತಂತಿಗಳು ಇಳಿ ಬಿದ್ದಿದ್ದು ಕೂಡಲೆ ಸಂಬಂಧಿಸಿದ ಅಧಿಕಾರಿಗಳು ಕ್ರಮ ಕೈಗೊಳ್ಳಬೇಕು ಎಂದು ಜೆಡಿಎಸ್‌ ತಾಲೂಕಾಧ್ಯಕ್ಷ ಬಿ.ಡಿ. ಪಾಟೀಲ ಇಂಡಿ ಉಪ ವಿಭಾಗೀಯ ಅಧಿಕಾರಿ ಸಂಗಮೇಶ ಮೇಡೆದಾರ ಅವರಿಗೆ ಶನಿವಾರ ಮನವಿ ಸಲ್ಲಿಸಿದರು.

ನಂತರ ಮಾತನಾಡಿ ಅವರು, ತಾಲೂಕಿನ ಹಲವಾರು ಗ್ರಾಮಗಳಲ್ಲಿ ಹಳೆ ವಿದ್ಯುತ್‌ ತಂತಿಗಳು ಜೋತು ಬಿದ್ದು ಸಾರ್ವಜನಿಕರಿಗೆ ಹಾಗೂ ರೈತರ ಕಬ್ಬಿನ ಗಾಡಿಗಳಿಗೆ ತಂತಿಗಳು ಸಿಕ್ಕು ಅನಾಹುತಗಳಾಗುತ್ತಲಿವೆ. ಆಗುವ ಅನಾಹುತ ತಪ್ಪಿಸಬೇಕು. ಅಧಿಕಾರಿಗಳು ಶೀಘ್ರದಲ್ಲೇ ಸರ್ವೇ ಮಾಡಿಸಿ ಸಮಸ್ಯೆಗಳು ಆಗದಂತೆ ನೋಡಿಕೊಳ್ಳಬೇಕು. ತಾಲೂಕಿನಾದ್ಯಂತ ಇಳು ಬಿದ್ದ ತಂತಿಗಳು ಮೇಲಕ್ಕೆ ಎತ್ತಿ ಮುಂದಿನ ಅನಾಹುತ ತಪ್ಪಿಸಬೇಕೆಂದು ಆಗ್ರಹಿಸಿದರು.

ಸಿದ್ದು ಡಂಗಾ, ಅಯೂಬ ನಾಟೀಕಾರ, ಶ್ರೀಕಾಂತ ಪಾಟೀಲ, ಶ್ರೀಶೈಲಗೌಡ ಪಾಟೀಲ. ರಾಜು ಮುಲ್ಲಾ, ಮಹಿಬೂಬ ಬೇವನೂರ, ಮಾಳಪ್ಪ ಹಿರೇಕುರಬರ, ನಿಯಾಝ್ ಅಗರಖೇಡ, ಇರ್ಫಾನ್‌ ಅಗರಖೇಡ, ಪ್ರಭುಗೌಡ ಪಾಟೀಲ, ನಿಂಗಪ್ಪ ಕಂಠಿಕರ, ಹನುಮಂತ ಕಂಠಿಕರ ಇದ್ದರು.