ವಿಜಯಪುರ: ಮನೆ ಮುಂದೆ ಕಟ್ಟಿದ್ದ ಕುರಿಗಳ ಕಳ್ಳತನ

Team Udayavani, Sep 12, 2019, 9:59 AM IST

ಸಾಂದರ್ಭಿಕ ಚಿತ್ರ

ವಿಜಯಪುರ : ಮನೆಯ ಮುಂದೆ ಕಟ್ಟಿದ್ದ 13 ಕುರಿಗಳ ಕಳ್ಳತನ ಮಾಡಿರುವ ಘಟನೆ ವಿಜಯಪುರ ತಾಲೂಕಿನ ಕವಲಗಿ ಗ್ರಾಮದಲ್ಲಿ ಜರುಗಿದೆ.

ರಮೇಶ ಇಂಗಳೇಶ್ವರ ಎಂಬವರು ತಮ್ಮ ಕುರಿಗಳನ್ನು ಮನೆಯ ಮುಂದೆ ಕಟ್ಟಿಹಾಕಿ, ತಾವು ಮನೆಯಲ್ಲಿ ಮಲಗಿದ್ದರು. ಮಾಲೀಕ ಮನೆಯ ಒಳಗೆ ಮಲಗಿದ್ದರಿಂದ ಸುಲಭವಾಗಿ ಕುರಿಗಳ್ಳತನ ಮಾಡಿದ್ದಾರೆ.

ಕೆಲ ತಿಂಗಳ ಮೊದಲು ಕೂಡ ರಮೇಶ ಅವರ 10 ಕುರಿಗಳನ್ನು ಇದೇ ರೀತಿ ಕಳ್ಳತನ ಮಾಡಲಾಗಿತ್ತು. ವಿಜಯಪುರ ಗ್ರಾಮೀಣ ಠಾಣೆ ಪೊಲೀಸರಿಗೆ ದೂರು‌ ನೀಡಿದ್ದರೂ ಕುರಿಗಳ್ಳರ ಬಂಧನವಾಗಿಲ್ಲ.

ಈ ಪ್ರಕರಣ ಪತ್ತೆಯಾಗುವ ಮುನ್ನವೇ ಇದೀಗ ಮತ್ತೆ ರಮೇಶ ಕುರಿಗಳ ಕಳ್ಳತನ ನಡೆದಿರುವುದು ರಮೇಶ ಸೇರಿದಂತೆ ಗ್ರಾಮದ ರೈತರಲ್ಲಿ ಆತಂಕ ಮೂಡಿಸಿದೆ.

ಕೂಡಲೇ ಕುರಿಗಳ್ಳರನ್ನು ಬಂಧಿಸಿ ಗ್ರಾಮದಲ್ಲಿ ಮೂಡಿರುವ ಭಯ ಹೋಗಲಾಡಿಸುವಂತೆ ರೈತರು ಆಗ್ರಹಿಸಿದ್ದಾರೆ.