ಬಾಲಕಿ ಮೇಲೆ ಅತ್ಯಾಚಾರ, ಹತ್ಯೆ ಪ್ರಕರಣಕ್ಕೆ ಟ್ವಿಸ್ಟ್‌

Team Udayavani, Jan 20, 2018, 6:35 AM IST

ವಿಜಯಪುರ: ಅಪ್ರಾಪ್ತ ವಿದ್ಯಾರ್ಥಿನಿ ಮೇಲೆ ಅತ್ಯಾಚಾರ, ಹತ್ಯೆ ಪ್ರಕರಣದ ವಿರುದಟಛಿ ಹೋರಾಟ ನಡೆಸುತ್ತಿದ್ದ ಸಂಘಟನೆಯ ನಾಯಕರೊಬ್ಬರ ಜೊತೆ ಬೆಳಗಾವಿ ಉತ್ತರ ವಲಯದ ಐಜಿಪಿ ರಾಮಚಂದ್ರರಾವ್‌ ಅವರು “ಮೃತ ಬಾಲಕಿಯ ನಡತೆ’ ಬಗ್ಗೆ ಮಾತನಾಡಿದ್ದಾರೆ ಎನ್ನಲಾದ ಮೊಬೈಲ್‌ ಸಂಭಾಷಣೆ ಹೊರ ಬಿದ್ದಿದ್ದು, ವೈರಲ್‌ ಆಗಿದೆ.

ಈ ಕುರಿತು “ಉದಯವಾಣಿ’ ಜೊತೆ ಮಾತನಾಡಿರುವ ಸಂಘಟನೆಯ ನಾಯಕ ಭಾಸ್ಕರಪ್ರಸಾದ್‌, “ಐಜಿಪಿ ಅವರು ನನ್ನ ಜೊತೆ ಮಾತನಾಡಿರುವ ಸದರಿ ಸಂಭಾಷಣೆಯನ್ನು ನಾನು ಬಿಡುಗಡೆ ಮಾಡಿಲ್ಲ. ಇದು ಮಾಧ್ಯಮಗಳಿಗೆ ಹೇಗೆ ಸೋರಿಕೆ ಆಯಿತು ಎಂಬುದೇ ತಿಳಿಯುತ್ತಿಲ್ಲ. ನನ್ನನ್ನು ಬಂ ಧಿಸಿ ಜೈಲಿಗೆ ಸೇರಿಸುವ ಮುನ್ನ ನಾನು ನನ್ನ ಮೊಬೈಲ್‌ ಅನ್ನು ಸ್ನೇಹಿತ ಮಂಜು ಎಂಬುವರ ಬಳಿ ಕೊಟ್ಟು ಹೋಗಿದ್ದೆ. ಅವರಿಂದ ನನ್ನ ಮೊಬೈಲ್‌ ಕಿತ್ತುಕೊಂಡಿದ್ದ ಪೊಲೀಸರು ಈ ಸಂಭಾಷಣೆಯನ್ನು ಕಾಪಿ ಮಾಡಿಕೊಂಡಿರುವ ಸಾಧ್ಯತೆ ಇದೆ’ ಎಂದು ಅನುಮಾನ ವ್ಯಕ್ತಪಡಿಸಿದರು.

ಈ ನಡುವೆ ಪ್ರಕರಣ ಕುರಿತಂತೆ ಪ್ರತಿಕ್ರಿಯಿಸಿರುವ ಗೃಹ ಸಚಿವ ರಾಮಲಿಂಗಾರೆಡ್ಡಿ ಅವರು, ಈ ಕುರಿತು ವರದಿ
ನೀಡುವಂತೆ ರಾಜ್ಯ ಪೊಲೀಸ್‌ ಮಹಾನಿರ್ದೇಶಕರಿಗೆ ಸೂಚಿಸಲಾಗಿದೆ. ಜತೆಗೆ ಆಡಿಯೋ ಕ್ಲಿಪ್‌ ಒದಗಿಸುವಂತೆ
ಕೇಳಲಾಗಿದೆ. ಪ್ರಕರಣದಲ್ಲಿ ಅಧಿಕಾರಿಯಿಂದ ಲೋಪವಾಗಿದ್ದರೆ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ.