‘ಮಹಾ’ ಮಳೆಗೆ ಭೀಮೆಯಲ್ಲಿ ಪ್ರವಾಹ

Team Udayavani, Sep 29, 2019, 4:32 PM IST

ಚಡಚಣ: ಕಳೆದ ಹಲವು ದಿನಗಳಿಂದ ಮಹಾರಾಷ್ಟ್ರದಲ್ಲಿ ಸುರಿಯುತ್ತಿರುವ ಭಾರಿ ಮಳೆಯಿಂದಾಗಿ ಉಜನಿ ಜಲಾಶಯದಿಂದ ಮತ್ತೇ ಭೀಮಾ ನದಿಗೆ ಅಪಾರ ಪ್ರಮಾಣದಲ್ಲಿ ನೀರು ಹರಿ ಬಿಡಲಾಗುತ್ತಿದೆ. ಇದರಿಂದ ನದಿ ಪಾತ್ರದಲ್ಲಿರುವ ದಸೂರ, ಉಮರಜ, ಗೋವಿಂದಪುರ, ನಿವರಗಿ, ಹೊಳೆಸಂಖ, ಉಮರಾಣಿ, ಶಿರನಾಳ, ಅಣಚಿ, ಟಾಕಳಿ, ದೂಳಖೇಡ ಹಾಗೂ ಹಿಂಗಣಿ ಸೇರಿದಂತೆ ಹತ್ತಾರು ಗ್ರಾಮಗಳ ನದಿಯ ಪಕ್ಕದಲ್ಲಿ ನದಿ ಕೊರೆತ ಉಂಟಾಗುತ್ತಿರುವುದ್ದಲ್ಲದೆ ಜಮೀನುಗಳಿಗೆ ನೀರು ನುಗ್ಗಿ ಅಪಾರ ಪ್ರಮಾಣದ ಬೆಳೆ ಕೂಡಾ ನಾಶವಾಗುತ್ತಿದೆ.

ಉಮರಜ ಗ್ರಾಮದ ಶ್ರೀಧರ ಗುಡ್ಡಾಪುರ ಅವರ ಜಮೀನಿನಲ್ಲಿ ನದಿ ಕೊರೆತ ಉಂಟಾಗುತ್ತಿರುವುದತಿಂದ ಮರಗಳು ಉರುಳಿ ಕಬ್ಬು ಬೆಳೆಯು ನೀರಲ್ಲಿ ನಿಂತಿದೆ. ಉಜನಿ ಜಲಾಶಯದಿಂದ ಯಾವುದೇ ಮುನ್ಸೂಚನೆ ನೀಡದೇ ನೀರನ್ನು ಬಿಡಲಾಗುತ್ತಿರುವುದರಿಂದ ನದಿ ಪಾತ್ರದಲ್ಲಿರುವ ಜನರು ಸುರಕ್ಷಿತ ಸ್ಥಳಗಳಲ್ಲಿ ಮುನ್ನೆಚ್ಚರಿಕೆಯಿಂದ ಇರುವುದು ಉತ್ತಮ ಎಂದು ಹೇಳಲಾಗುತ್ತಿದೆ.