ಚಾ.ನಗರಕ್ಕೆ ಶೇ.87.10ರಷ್ಟು ಫ‌ಲಿತಾಂಶ

Team Udayavani, Aug 12, 2020, 10:43 AM IST

ಚಾಮರಾಜನಗರ: ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಜಿಲ್ಲೆ ಶೇ.87.10ರಷ್ಟು ಫ‌ಲಿತಾಂಶ ಪಡೆದಿದೆ. ಜಿಲ್ಲೆಯಲ್ಲಿ ಒಟ್ಟು 10,465 ವಿದ್ಯಾರ್ಥಿಗಳಲ್ಲಿ 9,115 ಮಂದಿ ಉತ್ತೀರ್ಣರಾಗಿದ್ದು, ಶೇ.89.67ರಷ್ಟು ವಿದ್ಯಾರ್ಥಿನಿಯರು, ಶೇ.84.45ರಷ್ಟು ಬಾಲಕರು ಪಾಸಾಗಿದ್ದಾರೆ.

ತಾಲೂಕುವಾರು ಫ‌ಲಿತಾಂಶ: ಚಾ.ನಗರ ತಾಲೂಕು ಶೇ.83.80, ಗುಂಡ್ಲುಪೇಟೆ ಶೇ.74.50, ಕೊಳ್ಳೇಗಾಲ ಶೇ.96.01, ಹನೂರು ಶೇ.97.14, ಯಳಂದೂರು ಶೇ.86ರಷ್ಟು ಫ‌ಲಿತಾಂಶ ಪಡೆದಿವೆ. ಚಾಮರಾಜನಗರ, ಗುಂಡ್ಲುಪೇಟೆ ತಾಲೂಕುಗಳು ಬಿ ದರ್ಜೆ ಪಡೆದಿದ್ದರೆ, ಹನೂರು, ಕೊಳ್ಳೇಗಾಲ, ಯಳಂದೂರು ಎ ದರ್ಜೆ ಪಡೆದಿವೆ. ಜಿಲ್ಲೆಯು ರಾಜ್ಯ ಮಟ್ಟದಲ್ಲಿ 11ನೇ ಸ್ಥಾನ ಪಡೆದಿದ್ದು, ಬಿ ದರ್ಜೆಯಲ್ಲಿ ಮೊದಲ ಸ್ಥಾನದಲ್ಲಿದೆ. ಕಳೆದ ಸಾಲಿನಲ್ಲಿ ಜಿಲ್ಲೆ 15ನೇ ಸ್ಥಾನ ಪಡೆದಿದ್ದು, ಈ ಬಾರಿ 4 ಸ್ಥಾನ ಮೇಲಕ್ಕೇರಿದೆ.

ಮೇಘನಾಳಿಗೆ ಚಿನ್ನದ ಉಂಗುರ ಕೊಡುಗೆ :  ಚಾಮರಾಜನಗರ: ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಜಿಲ್ಲೆಯ ಟಾಪರ್‌ ಆಗಿರುವ ಕೊಳ್ಳೇಗಾಲದ ಸರ್ಕಾರಿ ಆದರ್ಶ ಶಾಲೆ ವಿದ್ಯಾರ್ಥಿನಿ ಎಂ.ಮೇಘನಾ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ಎಸ್‌ಪಿ ದಿವ್ಯಾ ಸಾರಾ ಥಾಮಸ್‌ ಮೇಘನಾಳಿಗೆ ಚಿನ್ನದ ಉಂಗುರ ಕೊಡುಗೆಯಾಗಿ ಬಾಲಕಿಯ ಬೆನ್ನು ತಟ್ಟಿದ್ದಾರೆ.