ಚಾಮರಾಜನಗರ : ಮಹಿಳೆ ಮೇಲೆ ಅತ್ಯಾಚಾರ; ಆರೋಪಿ ಬಂಧನ

Team Udayavani, Nov 18, 2020, 8:29 PM IST

ಸಾಂದರ್ಭಿಕ ಚಿತ್ರ

ಚಾಮರಾಜನಗರ: ಶ್ರವಣ ಶಕ್ತಿ ಇಲ್ಲದ ಹಾಗೂ ಮಾತು ಬಾರದ ಮಹಿಳೆಯ ಮೇಲೆ ಅತ್ಯಾಚಾರ ಎಸಗಿದ ಆರೋಪಿಯನ್ನು ಪೂರ್ವ ಠಾಣೆ ಪೊಲೀಸರು ಬಂಧಿಸಿದ್ದಾರೆ.

ಆರೋಪಿ ತಾಲೂಕಿನ ಪುತ್ತನಪುರ ಗ್ರಾಮದ ಬಸವಣ್ಣ (55) ಎಂಬಾತನನ್ನು ಪೂರ್ವ ಠಾಣೆ ಪೊಲೀಸರು ಬಂಧಿಸಿ ನ್ಯಾಯಾಂಗ ವಶಕ್ಕೆ ನೀಡಿದ್ದಾರೆ.

ಈತ ತನ್ನ ಎದುರು ಮನೆಯ 45 ವರ್ಷದ ಮಾತು ಬಾರದ ಮಹಿಳೆ, ಜಮೀನಿಗೆ ಬಂದಿದ್ದಾಗ 6 ತಿಂಗಳ ಹಿಂದೆ ಅತ್ಯಾಚಾರ ಎಸಗಿದ್ದ ಎನ್ನಲಾಗಿದೆ. ಮಹಿಳೆ ಈಗ ಗರ್ಭಿಣಿಯಾಗಿದ್ದರಿಂದ ಪ್ರಕರಣ ಬೆಳಕಿಗೆ ಬಂದಿದೆ. ಈ ಮಹಿಳೆಗೆ ತಂದೆ ತಾಯಿ ಇಲ್ಲವಾಗಿದ್ದು ಮೂವರು ಅವಿವಾಹಿತ  ಸೋದರಿಯರಿದ್ದಾರೆ. ಇವರಲ್ಲಿ ಇನ್ನೊಬ್ಬ ಸೋದರಿಯೂ ಮಾತು ಬಾರದವರಾಗಿದ್ದಾರೆ.

ಪೂರ್ವ ಠಾಣೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಗ್ರಾಮಾಂತರ ಠಾಣೆ ಸರ್ಕಲ್ ಇನ್‌ಸ್ಪೆಕ್ಟರ್ ನಂಜಪ್ಪ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ.