ಹಾವು ಕಡಿದು ಯುವಕ ಸಾವು

Team Udayavani, Oct 21, 2021, 4:53 PM IST

ಯಳಂದೂರು : ತಾಲೂಕಿನ ಕಂದಹಳ್ಳಿ ಗ್ರಾಮದಲ್ಲಿ ಹಾವು ಕಡಿದು ಯುವಕನೊಬ್ಬ ಮೃತಪಟ್ಟಿರುವ ಘಟನೆ ಗುರುವಾರ ಬೆಳಗಿನ ಜಾವ ಸಂಭವಿಸಿದೆ .

ಗ್ರಾಮದ ಸೋಮಣ್ಣನಾಯಕ ಹಾಗೂ ರಾಜಮ್ಮ ಎಂಬುವವ ಮಗ ಸಚಿನ್‌ ( 24 ) ಎಂಬ ಯುವಕನೇ ಮೃತ ದುರ್ದೈವಿ .

ಈತ ಗುಂಡ್ಲುಪೇಟೆಯ ಖಾಸಗಿ ರೆಸಾರ್ಟ್‌ನಲ್ಲಿ ಕೆಲಸಕ್ಕೆ ಸೇರಿಕೊಂಡಿದ್ದನು . ಗ್ರಾಮಕ್ಕೆ ಬುಧವಾರ ಬಂದಿದ್ದ . ಮಲಗಲು ತನ್ನ ಸ್ನೇಹಿತ ಪ್ರಸಾದ್‌ನ ಜೊತೆ ಗ್ರಾಮದ ಆಲೆಮನೆಗೆ ತೆರಳಿದ್ದ ಗುರುವಾರ ಬೆಳಗಿನ ಜಾವ 1.30 ರ ಸಮಯದಲ್ಲಿ ಈತನ ಎಡಗಾಲಿನ ಬೆರಳಿಗೆ ಹಾವು ಕಚ್ಚಿದೆ.

ಇದನ್ನೂ ಓದಿ:ಫ್ಲಿಪ್ ಕಾರ್ಟ್ ನಿಂದ ಕೌಶಲ್ಯಾಭಿವೃದ್ಧಿ ತರಬೇತಿಗೆ ಸಪ್ಲೈ ಚೈನ್ ಆಪರೇಷನ್ಸ್ ಅಕಾಡೆಮಿ ಆರಂಭ

ಕಾಲು ಉರಿ ಎಂದು ನೋವಿನಿಂದ ನರಳುತ್ತಿದ್ದು, ಕೂಡಲೇ ಈತನ ಸ್ನೇಹಿತ ಮನೆಯವರಿಗೆ ವಿಷಯ ತಿಳಿಸಿದ್ದಾನೆ . ತಕ್ಷಣ ಯಳಂದೂರು ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗೆ ಚಾಮರಾಜನಗರ ಜಿಲ್ಲಾಸತೆಗೆ ಕರೆದೊಯ್ಯಲಾಗಿದೆ . ಆದರೆ ಚಿಕಿತ್ಸೆಗೆ ಸ್ಪಂದಿಸದೆ ಯುವಕ ಮೃತಪಟ್ಟಿದ್ದಾನೆ . ಈ ಬಗ್ಗೆ ಯಳಂದೂರು ಪೊಲೀಸ್ ಠಾಣೆಯಲ್ಲಿ ಇವರ ತಂದೆ ಸೋಮಣ್ಣನಾಯಕ ಪ್ರಕರಣ ದಾಖಲಾಗಿದ್ದು ಮುಂದಿನ ಕ್ರಮವನ್ನು ವಹಿಸಲಾಗಿದೆ.