ಹುಡುಗಿಯ ಕರುಣಿಸು ದೇವರೇ! ಹುಂಡಿ ಎಣಿಕೆ ವೇಳೆ ಯುವಕನೊಬ್ಬ ಬರೆದ ಪತ್ರ ಲಭ್ಯ

Team Udayavani, Dec 23, 2022, 11:03 AM IST

ಚಾಮರಾಜನಗರ: ನಗರದ ಚಾಮರಾಜೇಶ್ವರ ಸ್ವಾಮಿ ದೇವಾಲಯದ ಹುಂಡಿ ಎಣಿಕೆ ಕಾರ್ಯ ಗುರುವಾರ ನಡೆದಿದ್ದು, 7,61,870 ರೂ. ಸಂಗ್ರಹವಾಗಿದೆ.

ಇದನ್ನೂ ಓದಿ:ಉಕ್ರೇನ್ ವಿರುದ್ಧದ ಯುದ್ಧವನ್ನು ಕೊನೆಗೊಳಿಸಲು ಸಿದ್ದ, ಆದರೆ..: ಪುಟಿನ್ ಘೋಷಣೆ

ಮುಜರಾಯಿ ಇಲಾಖೆ ವ್ಯಾಪ್ತಿಯ ಚಾಮರಾಜೇಶ್ವರ ಸ್ವಾಮಿ ಹುಂಡಿ ಎಣಿಕೆ ಒಂದು ವರ್ಷದ ಬಳಿಕ ನಡೆಯಿತು. ದೇವಾಲಯದ ನವೀಕರಣ ಕಾರ್ಯದ ಬಳಿಕ ಈ ವರ್ಷ ಕುಂಭಾಭಿಷೇಕ ಹಾಗೂ ರಥೋತ್ಸವ ನಡೆದಿತ್ತು. ಹೀಗಾಗಿ 7 ಲಕ್ಷ ರೂ. ಸಂಗ್ರಹವಾಗಿದೆ. ಬ್ಯಾಂಕ್‌ ಸಿಬ್ಬಂದಿ ಎಣಿಕೆ
ಕಾರ್ಯದಲ್ಲಿ ಭಾಗವಹಿಸಿದ್ದರು.

ಹುಡುಗಿಯ ಕರುಣಿಸು ಎಂಬ ಪತ್ರ: ಹುಂಡಿ ಎಣಿಕೆ ಸಂದರ್ಭದಲ್ಲಿ ನೋಟ್‌ಬುಕ್‌ ಹಾಳೆಯಲ್ಲಿ ಬರೆದ ಪತ್ರವೊಂದು ದೊರೆತಿದ್ದು, ಓಂ ನಮಃ ಶಿವಾಯ, ನನಗೆ ಹುಡುಗಿಯ ಕರುಣಿಸು ಎಂದು ಎರಡು ಸಾಲು ಬರೆಯಲಾಗಿದೆ. ಸರಿಯಾದ ಓದು ಬರಹ ಬಾರದ ವ್ಯಕ್ತಿ ಬರೆದಂತಿದ್ದು, ತಪ್ಪು ತಪ್ಪಾಗಿ ಬರೆಯಲಾಗಿದೆ.