ಗುಂಡ್ಲುಪೇಟೆ: ಕೊಳವೆಬಾವಿ ಕೊರೆಯಿಸಲು ಅನುಮತಿ ಕಡ್ಡಾಯ

Team Udayavani, Nov 11, 2020, 4:14 PM IST

ಚಾಮರಾಜನಗರ: ಗುಂಡ್ಲುಪೇಟೆ ತಾಲೂಕಿನಲ್ಲಿ ಹೊಸದಾಗಿ ಬಾವಿ,ಕೊಳವೆಬಾವಿಗಳನ್ನುಕೊರೆಯಲು ಜಿಲ್ಲಾ ಅಂತರ್ಜಲ ಪ್ರಾಧಿಕಾರದ ಪೂರ್ವಾನುಮತಿ ಪಡೆಯಬೇಕು. ಪ್ರಸ್ತುತ ಅಂತರ್ಜಲ ಬಳಸುತ್ತಿರುವ ಬಾವಿ ಮತ್ತುಕೊಳವೆಬಾವಿಗಳ ನೋಂದಣಿ ಕಡ್ಡಾಯವಾಗಿ ಮಾಡಿಸಬೇಕು ಎಂದು ಜಿಲ್ಲಾಧಿಕಾರಿ ಡಾ.ಎಂ.ಆರ್‌. ರವಿ ತಿಳಿಸಿದ್ದಾರೆ.

ರಾಜ್ಯದ ಅಂತರ್ಜಲ ಸಂಪನ್ಮೂಲ ಮೌಲೀಕರಣ ಮಾರ್ಚ್‌-2017ರ ಅನ್ವಯ ಚಾಮರಾಜನಗರ ಜಿಲ್ಲೆಯ ಗುಂಡ್ಲುಪೇಟೆ ತಾಲೂಕನ್ನುಅಂತರ್ಜಲ ಅತಿಬಳಕೆ ತಾಲೂಕಾಗಿ ಘೋಷಿಸಲಾಗಿದೆ. ಕೊಳವೆಬಾವಿಗಳನ್ನುಕೊರೆಯುವ ರಿಗ್‌ ಯಂತ್ರವನ್ನು ಪ್ರಾಧಿ ಕಾರದಲ್ಲಿ ಕಡ್ಡಾಯವಾಗಿ ನೋಂದಾಯಿಸಿಕೊಳ್ಳಬೇಕು. ಪ್ರಾಧಿಕಾರದ ಅನುಮತಿಯಿಲ್ಲದೆಕೊಳವೆ ಬಾವಿ ಕೊರೆಯಿಸಿದಲ್ಲಿ ಭೂ ಮಾಲೀಕರು, ರಿಗ್‌ ಮಾಲೀಕರ ಮೇಲೆ ಕ್ರಮಕೈಗೊಳ್ಳಲಾಗುವುದು. ಈ ನಿಟ್ಟಿನಲ್ಲಿ ಅಂತರ್ಜಲ ಸಂರಕ್ಷಣೆ ನಮ್ಮೆಲ್ಲರಕರ್ತವ್ಯವಾಗಿದೆ. ಅನುಮತಿ ನೋಂದಣಿಗಾಗಿ ಅರ್ಜಿಗಳನ್ನು ನಗರದ ಲಕ್ಷ್ಮೀ ವೆಂಕಟೇಶ್ವರ

ಕಾಂಪ್ಲೆಕ್ಸ್‌,ಕ್ರೀಡಾಂಗಣ ರಸ್ತೆ, 1ನೇ ಮಹಡಿ, ಹಿರಿಯ ಭೂವಿಜ್ಞಾನಿ, ಜಿಲ್ಲಾ ಅಂತರ್ಜಲ ಕಚೇರಿ ಇಲ್ಲಿ ಪಡೆದು ಭರ್ತಿ ಮಾಡಿ ಸಲ್ಲಿಸಬೇಕು. ಮಾಹಿತಿಗೆ ದೂ:08226-225288 ಅಥವಾ ಹಿರಿಯ ಭೂ ವಿಜ್ಞಾನಿ ಜಿಲ್ಲಾ ಅಂತರ್ಜಲ ಕಚೇರಿ ಸಂಪರ್ಕಿಸುವಂತೆ ಜಿಲ್ಲಾ ಅಂತರ್ಜಲ ಸಮಿತಿಯ ಅಧ್ಯಕ್ಷ ಹಾಗೂ ಜಿಲ್ಲಾಧಿಕಾರಿ ಡಾ.ಎಂ.ಆರ್‌. ರವಿ ತಿಳಿಸಿದ್ದಾರೆ.

ಸೋಲಾರ್‌ಘಟಕಕ್ಕೆ ಬೀಗ ಜಡಿದ ರೈತರು :

ಗುಂಡ್ಲುಪೇಟೆ: ಜಮೀನು ಖರೀದಿಸಿ ಒಪ್ಪಂದದ ಪ್ರಕಾರ ಉಳಿಕೆ ಹಣ ನೀಡದೆ ವಂಚಿಸಲಾಗಿದೆ ಎಂದು ಆಪಾದಿಸಿ ರೈತರು ಕಬ್ಬಹಳ್ಳಿ ಗ್ರಾಮದ ಬಳಿಯ ಸೋಲಾರ್‌ ಉತ್ಪಾದನಾ ಘಟಕಕ್ಕೆ ಬೀಗ ಜಡಿದು ಪ್ರತಿಭಟಿಸಿದರು.

ತಾಲೂಕಿನ ಕಬ್ಬಹಳ್ಳಿ ಗ್ರಾಮದ ಸೋಲಾರ್‌ ಪ್ಲಾಂಟ್‌ ಬಳಿ ಜಮಾಯಿಸಿದ ರೈತರು, ಆಂಧ್ರಪ್ರದೇಶ ಮೂಲದ ಏಟಿಯಾ ಸೋಲಾರ್‌ ಪ್ಲಾಂಟ್‌ಗೆ ಇಲ್ಲಿನ60ಕ್ಕೂ ಹೆಚ್ಚು ರೈತರು135 ಎಕರೆ ಜಮೀನು ಮಾರಿದ್ದರು. ಎಕರೆಗೆ15 ರಿಂದ20 ಲಕ್ಷ ರೂ. ನೀಡುವುದಾಗಿ ಭರವಸೆ ನೀಡಿದ್ದರು. ಈಗ ಎಕರೆಗೆ 3.20 ಲಕ್ಷ ರೂ.ಲೆಕ್ಕ ತೋರಿಸಿ ಚೆಕ್‌ ನೀಡಿದ್ದಾರೆ. ಹೀಗೆ ನೀಡಿದ ಕೆಲ ಚೆಕ್‌ಗಳು ಕೂಡ ಬೌನ್ಸ್‌ ಆಗಿವೆ. ಉಳಿಕೆ ಹಣದ ಬಗ್ಗೆ ಜಿಲ್ಲಾಧಿಕಾರಿಗೆ ದೂರು ಸಲ್ಲಿಸಿದರೂ ಪ್ರಯೋಜನವಾಗಿಲ್ಲ. ನಮ್ಮ ಸಮಸ್ಯೆಗಳನ್ನು ಪರಿಹರಿಸದಿದ್ದರೆ ಜಿಲ್ಲಾಡಳಿತದ ಮುಂದೆ ಧರಣಿನಡೆಸಲಾಗುವುದು ಎಂದು ಎಚ್ಚರಿಸಿದರು. ಪ್ರತಿಭಟನೆಯಲ್ಲಿ ರೈತರಾದ ನಟರಾಜು, ಪ್ರಸಾದ್‌,ಮಲ್ಲೇಶ್‌, ಸಂತೋಷ,ಕೃಷ್ಣಮೂರ್ತಿ, ನವೀನ್‌ಗೌಡ, ನಟರಾಜುಕಬ್ಬಹಳ್ಳಿ ಇತರರಿದ್ದರು.