ಸೋಂಕಿತರು ಆಸ್ಪತ್ರೆಯಲ್ಲಿದ್ದ ಮನೆಯಲ್ಲಿ ಕಳ್ಳರ ಕೈಚಳಕ

Team Udayavani, May 29, 2021, 6:14 PM IST

ಯಳಂದೂರು: ಪಟ್ಟಣದ 1ನೇ ವಾರ್ಡ್‌ನ ಮುಸ್ಲಿಂ ಬಡಾವಣೆಯಲ್ಲಿಗುರು ವಾರ ಮದ್ಯರಾತ್ರಿ ಕಳ್ಳತನ ನಡೆದಿದ್ದು, ಕೋವಿಡ್‌ನಿಂದ ಮನೆಯಲ್ಲಿಯಾರೂ ಇಲ್ಲದಸಂದರ್ಭದಲ್ಲಿ ಮನೆಗೆನುಗ್ಗಿರುವ ಕಳ್ಳರು ಲಕ್ಷಾಂತರ ರೂ. ಮೌಲ್ಯದಚಿನ್ನಾಭರಣ ಹಾಗೂ ನಗದು ಕದ್ದು ಪರಾರಿಯಾಗಿದ್ದಾರೆ.

ಹಮೀದ್‌ ಪಾಷಮನೆಯಲ್ಲಿ ಈ ಕಳ್ಳತನ ನಡೆದಿದೆ. ಇವರು ಹಾಗೂ ಇವರ ಪುತ್ರನಿಗೆ ಕೊರೊನಾಸೋಂಕು ತಗುಲಿದ್ದರಿಂದ ಮೈಸೂರಿನ ಆಸ್ಪತ್ರೆಗೆ ದಾಖಲಾಗಿ ದ್ದರು.

ಇದೇ ತಿಂಗಳ26ರಂದು ಪಟ್ಟಣ ಪಂಚಾಯಿತಿಯಿಂದ ಈ ಮನೆಗೆ ಸ್ಯಾನಿ ಟೈಸ್‌ ಮಾಡಲಾಗಿತ್ತು.ಈ ವೇಳೆ ಮನೆಯಲ್ಲಿ ಯಾರೂ ಇಲ್ಲದಿರುವುದನ್ನು ಖಚಿತ ಪಡಿಸಿಕೊಂಡಿದ್ದಾರೆ.

ಗುರುವಾರ ರಾತ್ರಿ ಮನೆಗೆ ನುಗ್ಗಿರುವ ಕಳ್ಳರು ಮನೆ ಬೀರು ವಿನಲ್ಲಿದ್ದ 1.70 ಲಕ್ಷರೂ. ನಗದು, 8 ಚಿನ್ನದ ಉಂಗುರಗಳು, ಒಂದು ಕರಿ ಮಣಿ ಸರ, ಬೈತಲೆ ಬೊಟ್ಟುಸೇರಿದಂತೆ 4.50 ಲಕ್ಷಕ್ಕೂ ಹೆಚ್ಚು ಮೌಲ್ಯದ ವಸ್ತುಗಳನ್ನು ದೋಚಿದ್ದಾರೆ. ಸ್ಥಳಕ್ಕೆಪೊಲೀಸರು ಭೇಟಿ ನೀಡಿ ಪರಿಶೀಲಿಸಿದರು.