ನಾಗಶ್ರೀಪ್ರತಾಪ್‌ ಬಗ್ಗೆ ವಿಶೇಷ ಕಾಳಜಿ ತೋರಿದ ಸೋಮಣ್ಣ !

Team Udayavani, Apr 20, 2023, 12:32 PM IST

ಚಾಮರಾಜನಗರ: ಬಿಜೆಪಿ ಟಿಕೆಟ್‌ ಆಕಾಂಕ್ಷಿಗಳಲ್ಲಿ ಪೈಕಿ ಪ್ರಮುಖರಾಗಿದ್ದ ಮಾಜಿ ಶಾಸಕ ದಿ. ಸಿ. ಗುರುಸ್ವಾಮಿ ಅವರು ಪುತ್ರಿ ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಜಿ. ನಾಗಶ್ರೀ ಪ್ರತಾಪ್‌ ಅವರ ಬಗ್ಗೆ ವೇದಿಕೆ ಹಾಗೂ ಮೆರವಣಿಗೆಯಲ್ಲಿ ಅಭ್ಯರ್ಥಿ ಹಾಗೂ ಉಸ್ತುವಾರಿ ಸಚಿವ ವಿ. ಸೋಮಣ್ಣ ವಿಶೇಷ ಕಾಳಜಿ ವಹಿಸಿದರು.

ಬುಧವಾರ ನಡೆದ ಬಿಜೆಪಿ ಬಹಿರಂಗ ಸಭೆಯಲ್ಲಿ ದೂರದಲ್ಲಿದ್ದ ಕುರ್ಚಿಯಲ್ಲಿ ನಾಗಶ್ರೀ ಕುಳಿತಿದ್ದರು. ಇದನ್ನು ಗಮನಿಸಿದ ವಿ. ಸೋಮಣ್ಣ ತಮ್ಮ ಪಕ್ಕದ ಕುರ್ಚಿಯಲ್ಲಿ ಕುಳಿತುಕೊಳ್ಳುವಂತೆ ತಿಳಿಸಿದರು. ವೇದಿಕೆಯಲ್ಲಿಲ್ಲು ಸಹ ಪ್ರಮುಖವಾಗಿ ಪ್ರೊ. ಮಲ್ಲಿಕಾರ್ಜುನಪ್ಪ ನಂತರ ನಾಗಶ್ರೀ ಅವರಿಗೆ ಭಾಷಣ ಮಾಡಲು ಹೇಳಿದರು. ತಮ್ಮ ಪಕ್ಕದಲ್ಲಿ ಕುಳಿತ ನಾಗಶ್ರೀ ಅವರೊಡನೆ ಸೋಮಣ್ಣ ಕುಶಲೋಪರಿ ನಡೆಸಿದರು. ಸಭೆಯಲ್ಲಿ ನಾಗಶ್ರೀ ಹೆಸರೇಳುತ್ತಿದ್ದಂತೆ ಜೈಕಾರ ಕೇಳಿಬರುತ್ತಿತ್ತು. ಮೆರವಣಿಗೆಯಲ್ಲಿ ಜೊತೆಯಲ್ಲಿ ಬಂದ ನಾಗಶ್ರೀ ಸೂಚಕರಾಗಿಯು ಸಹ ನಾಮಪತ್ರ ಸಲ್ಲಿಕೆಯಲ್ಲಿದ್ದರು. ನಾಗಶ್ರೀ ಪ್ರತಾಪ್‌ ತಮ್ಮ ಭಾಷಣದಲ್ಲಿ ಸೋಮಣ್ಣನವರ ನಾಯಕತ್ವ ನಮ್ಮ ಜಿಲ್ಲೆಗೆ ಬಹಳ ಇದೆ. ಅವರನ್ನು ಅತ್ಯಧಿಕ ಮತಗಳ ಅಂತರದಲ್ಲಿ ನಾವೆಲ್ಲರು ಗೆಲ್ಲಿಸಬೇಕು ಎಂದರು.

ನಮ್ಮ ತಂದೆ 1996ರಲ್ಲಿ ಬಿಜೆಪಿಗೆ ಅಭ್ಯರ್ಥಿಯಾಗಿ 17 ಸಾವಿರ ಮತಗಳ ಅಂತರದಲ್ಲಿ ಜನರು ಗೆಲ್ಲಿಸಿದ್ದರು. ಈಗ 20 ವರ್ಷಗಳ ನಂತರ ಸೋಮಣ್ಣ ಅವರ ನಾಯಕತ್ವದಲ್ಲಿ ಇನ್ನು ಹೆಚ್ಚಿನ ಲೀಡ್‌ ನಲ್ಲಿ ಗೆಲ್ಲಿಸಿ, ಕ್ಷೇತ್ರ ಹಾಗು ಜಿಲ್ಲೆಯಲ್ಲಿ ಮತ್ತೇ ಬಿಜೆಪಿ ಕಮಲವನ್ನು ಆರಳಿಸಲು ಎಲ್ಲರು ಶ್ರಮಿಸೋಣ ಎಂದರು.