ಯಳಂದೂರು: ಶಿಕ್ಷಕರ ಸಂಘಕ್ಕೆ ಐವರು ಆಯ್ಕೆ

Team Udayavani, Dec 16, 2020, 3:41 PM IST

ಯಳಂದೂರು: ತಾಲೂಕು ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘಕ್ಕೆ ಮಂಗಳವಾರ ಪಟ್ಟಣದ ಟೌನ್‌ ಶಾಲೆಯಲ್ಲಿ ಚುನಾವಣೆ ನಡೆಯಿತು. ಒಟ್ಟು ಐದು ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಮೂವರು ಪುರುಷರು ಹಾಗೂ ಇಬ್ಬರು ಮಹಿಳೆಯರ ಆಯ್ಕೆಗೆ ಅವಕಾಶವಿತ್ತು. ಇದ ರಲ್ಲಿ ಪುರುಷ ಸ್ಥಾನಕ್ಕೆ 6 ಅಭ್ಯರ್ಥಿಗಳು ಸ್ಪರ್ಧಿಸಿದ್ದರು. ಮಹಿಳಾ ವಿಭಾಗದಲ್ಲಿ ನಾಲ್ವರುಕಣದಲ್ಲಿದ್ದರು. ಒಟ್ಟು226 ಶಿಕ್ಷಕ ಮತದಾರರು ಇರುವ ಕ್ಷೇತ್ರದಲ್ಲಿ 221 ಮಂದಿ ಮತದಾನ ಮಾಡಿದರು.

ಪುರುಷರ ವಿಭಾಗದಲ್ಲಿ ಕೆ.ಎಲ್‌. ದೊರೆ ಸ್ವಾಮಿ, ವೈ.ವಿ. ನಾಗರಾಜು, ಎಸ್‌. ನಂಜುಂಡಸ್ವಾಮಿ, ಎಂ. ರಾಜು, ಆರ್‌. ಸತೀಶ್‌, ಪಿ.ಸೋಮಣ್ಣ ಸ್ಪರ್ಧಿಸಿದ್ದರು. ಇದರಲ್ಲಿ ಪಿ.ಸೋಮಣ್ಣ 141 ಮತ, ಆರ್‌. ಸತೀಶ್‌ 126 ಮತ, ವೈ.ವಿ. ನಾಗರಾಜು 125 ಮತಗಳನ್ನುಪಡೆದು ವಿಜೇತರಾದರು. ಮಹಿಳಾ ವಿಭಾಗದಲ್ಲಿ ಸಿ.ಚಂದ್ರಮ್ಮ, ಎಸ್‌.ಎಸ್‌. ಪುಷ್ಪಲತಾ, ಕೆ.ಪುಟ್ಟಿ, ಎಂ. ಸಲೀನಾ ಸ್ಪರ್ಧಿಸಿದ್ದರು. ಇದರಲ್ಲಿ ಸಿ.ಚಂದ್ರಮ್ಮ147 ಮತ ಹಾಗೂ ಎಂ. ಸಲೀನಾ101 ಮತಗಳನ್ನು ಪಡೆದು ವಿಜೇತರಾದರು ಎಂದು ಚುನಾವಣಾಧಿಕಾರಿ ರಂಗಸ್ವಾಮಿ ಘೋಷಿಸಿದರು.

ವಿಜೇತ ಅಭ್ಯರ್ಥಿಗಳನ್ನು ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ವೈ.ಎಂ.ಮಂಜುನಾಥ್‌, ಕಾರ್ಯದರ್ಶಿ ಮಹೇಶ್‌,ಜಿಲ್ಲಾ ಕಾರ್ಯ ದರ್ಶಿ ರೇಚಣ್ಣ ಸೇರಿದಂತೆ ಹಲವರು ಅಭಿ ನಂದನೆ ಸಲ್ಲಿಸಿದರು.