ಮನೆ ಮನೆಗೆ ತೆರಳಿ ಮತಯಾಚನೆ

Team Udayavani, Apr 8, 2023, 2:03 PM IST

ಗುಂಡ್ಲುಪೇಟೆ: ಎಚ್‌.ಡಿ.ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಲು ಮತದಾರರು ಜೆಡಿಎಸ್‌ ಪಕ್ಷ ಬೆಂಬಲಿಸಬೇಕೆಂದು ಜೆಡಿಎಸ್‌ ಅಭ್ಯರ್ಥಿ ಕಡಬೂರು ಮಂಜುನಾಥ್‌ ಮನವಿ ಮಾಡಿದರು.

ತಾಲೂಕಿನ ಹಂಗಳ ಹೋಬಳಿ ವ್ಯಾಪ್ತಿಯ ಹಂಗಳ, ಮೇಲುಕಾಮಹಳ್ಳಿ, ಮಗುವಿನಹಳ್ಳಿ, ಬೆಂಡರವಾಡಿ, ಪುತ್ತನಪುರ ಸೇರಿದಂತೆ ಇತರೆ ಹಲವು ಗ್ರಾಮದಲ್ಲಿ ಮನೆ ಮನೆಗೆ ತೆರಳಿ ಮತಯಾಚನೆ ನಡೆಸಿದ ಬಳಿಕ ಮಾತನಾಡಿದ ಅವರು, ಮಾಜಿ ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಸಿಎಂ ಆಗಿದ್ದಾಗ ರೈತರ ಸಾಲಮನ್ನಾ ಮಾಡಿ ಲಕ್ಷಾಂತರ ರೈತರಿಗೆ ನೆರವಾಗಿದ್ದಾರೆ. ಆದ್ದರಿಂದ ಕೈಹಿಡಿಯಿರಿ ಎಂದು ಮನವಿ ಮಾಡಿದರು.

ನನಗೊಂದು ಅವಕಾಶ ನೀಡಿದರೆ ಕ್ಷೇತ್ರದಲ್ಲಿ ಭ್ರಷ್ಟಾಚಾರ ರಹಿತ ಆಡಳಿತಕ್ಕೆ ಒತ್ತು ನೀಡುತ್ತೇನೆ. ತಾಲೂಕಿನಲ್ಲಿ ಅನೇಕ ಸಮಸ್ಯೆಗಳಿದ್ದು, ಎಲ್ಲ ವನ್ನು ಹಂತ ಹಂತವಾಗಿ ಬಗೆಹರಿಸುವ ಪ್ರಯತ್ನ ಮಾಡುವ ಜೊತೆಗೆ ಜನರ ಕೈಗೆ ಸಿಗುವ ರೀತಿಯಲ್ಲಿ ಅಧಿಕಾರ ನಡೆಸುತ್ತೇನೆ ಎಂದು ತಿಳಿಸಿದರು.

ರೈತ ಸಂಘದ ಸಂಪತ್ತು, ಮಾಡ್ರಹಳ್ಳಿ ಮಹದೇವಪ್ಪ, ಆಲಹಳ್ಳಿ ಮಹೇಶ್‌, ಬಾಚಹಳ್ಳಿ ಮಣಿ, ಚಿರಕನಹಳ್ಳಿ ದಿವ್ಯಾನಾಗ್‌, ಗೀತಾ, ಕೊಡಸೋಗೆ ವಿಶ್ವನಾಥ್‌, ಹೊಸೂರು ಪುನಿ, ಪ್ರದೀಪ್‌, ನಾಗೆಂದ್ರ ಶಿವಪುರ, ಮುತ್ತಣ್ಣ, ಹೂರದಹಳ್ಳಿ ಮಹೇಶ್‌ ಸೇರಿದಂತೆ ಇತರರು ಇದ್ದರು.