ಹೈನುಗಾರಿಕೆಗೆ ಒತ್ತು ನೀಡಲು ಸಲಹೆ

Team Udayavani, Sep 26, 2020, 3:20 PM IST

ಸಾಂದರ್ಭಿಕ ಚಿತ್ರ

ಚಿಂತಾಮಣಿ: ಅವಳಿ ಜಿಲ್ಲೆಗಳಲ್ಲಿ ರೈತರು ತರಕಾರಿ ಗಳನ್ನು ಹೆಚ್ಚಾಗಿ ಬೆಳೆಯುತ್ತಾರೆ. ಆದರೆ ತರಕಾರಿ ಗಳಿಗೆ ವರ್ಷವಿಡೀ ನಿರ್ದಿಷ್ಟ ಬೆಲೆ ಸಿಗುವುದಿಲ್ಲ. ಗುಣಮಟ್ಟದ ಹಾಲಿಗೆ ಮಾತ್ರ ನಿರ್ದಿಷ್ಟ ಬೆಲೆ ರೈತರಿಗೆ ಸಿಗುತ್ತದೆ. ಆದ್ದರಿಂದ ಹೈನುಗಾರಿಕೆಗೆ ಒತ್ತು ನೀಡಿ ಎಂದು ಕೋಚಿಮುಲ್‌ ನಿರ್ದೇಶಕ ವೈ.ಬಿ. ಅಶ್ವತ್ಥ ನಾರಾಯಣಬಾಬು ಹೇಳಿದರು.

ತಾಲೂಕಿನ ಶೆಟ್ಟಿಹಳ್ಳಿ ಎಂಪಿಸಿಎಸ್‌ನಲ್ಲಿ ನೂತನ ಬಿಎಂಸಿ ಕೇಂದ್ರ ಉದ್ಘಾಟಿಸಿ ಮಾತನಾಡಿದ ಅವರು, ರೈತರು ತಮ್ಮ ತರಕಾರಿಗಳಿಗೆ ನಿಗದಿತ ಬೆಲೆ ಸಿಗದಿ ದ್ದರೆ ರಸ್ತೆಗೆ ಅಥವಾ ಚರಂಡಿಗಳಿಗೆ ಸುರಿಯುತ್ತಾರೆ. ಆದರೆ ಬೆಲೆ ಎಷ್ಟೇ ಇರಲಿ ಹಾಲನ್ನು ಚೆಲ್ಲಲು ಸಾಧ್ಯ ವಿಲ್ಲ. ಹಾಲು ಉತ್ಪಾದಕರಿಗೆ ರಜೆ ಇರುವುದಿಲ್ಲ. ವರ್ಷವಿಡೀ ಹೈನುಗಾರಿಕೆಯಿಂದ ಜೀವನ ನಡೆಸುತ್ತಿದ್ದಾರೆ. ಕೋವಿಡ್‌ ಸಮಯದಲ್ಲೂರೈತರು ನೀಡಿದ ಹಾಲು ಸರಬರಾಜು ಮಾಡಿ ಸಕಾಲಕ್ಕೆ ಬಟವಾಡ ನೀಡಿದ್ದೇವೆ. ನಂದಿನಿ ಹಾಲಿನಿಂದ ವಿವಿಧ ಪದಾರ್ಥ ಗಳನ್ನು ಉತ್ಪಾದನೆ ಮಾಡಿ ಮಾರುಕಟ್ಟೆಗೆ  ಬಿಡುತ್ತಿದ್ದೇವೆ ಎಂದರು.

ಕೋಚಿಮುಲ್‌ ವ್ಯವಸ್ಥಾಪಕ ನಿರ್ದೇಶಕ ಡಾ. ಎಚ್‌.ವಿ.ತಿಪ್ಪಾರೆಡ್ಡಿ ಮಾತನಾಡಿ, ರೈತರು ಡೇರಿಗಳಿಗೆ ಗುಣಮಟ್ಟದ ಹಾಲು ನೀಡಬೇಕೆಂದು ಹೇಳಿದರು.ಕೋಚಿಮುಲ್‌ ಉಪವ್ಯವಸ್ಥಾಪಕ ಎ. ವಿ.ಶಂಕರ ರೆಡ್ಡಿ ಮಾತನಾಡಿದರು. ಕಾರ್ಯ ಕ್ರಮದ ಅಧ್ಯಕ್ಷತೆ ಯನ್ನು ಎಂಪಿಸಿಎಸ್‌ ಅಧ್ಯಕ್ಷ ಎಸ್‌.ಬಿ.ರವಿರೆಡ್ಡಿ ಅಧ್ಯಕ್ಷತೆ ವಹಿಸಿದ್ದರು. ಕೋಚಿ ಮುಲ್‌ ಮಹಿಳಾ ನಿರ್ದೇಶಕಿ ಸುನಂದಮ್ಮ,ವ್ಯವಸ್ಥಾಪಕ ಡಾ.ಸುನೀಲ್‌ ಸುಹೇಲ್‌, ತಾಂತ್ರಿಕ ಅಧಿಕಾರಿ ಎಂ.ಜಿ.ಪ್ರಭು, ಎಂಪಿಸಿಎಸ್‌ ನೌಕರ ಸಂಘದ ಅಧ್ಯಕ್ಷ ಬಿ.ಕೆಂಪರೆಡ್ಡಿ, ವಿಸ್ತರಣಾಧಿಕಾರಿಗಳಾದ ಎಚ್‌.ಪ್ರೇಮ್‌ ಕುಮಾರ್‌, ವೆಂಕಟೇಶ್‌ ಮೂರ್ತಿ, ಎನ್‌.ಶಂಕರ್‌, ಎಂ.ಎಸ್‌. ನಾರಾ ಯಣಸ್ವಾಮಿ, ಕೆ.ನಾರಾಯಣಸ್ವಾಮಿ, ಸಂಘದ ಉಪಾಧ್ಯಕ್ಷಎಸ್‌.ಜೆ.ಶ್ರೀರಾಮಪ್ಪ,ನಿರ್ದೇಶಕರು, ಕಾರ್ಯದರ್ಶಿ ಎನ್‌.ನಾರಾಯಣ ಸ್ವಾಮಿ, ಗ್ರಾಮಸ್ಥರು ಹಾಜರಿದ್ದರು.