ಸಿದ್ದರಾಮಯ್ಯ ಎಂದಾದರೂ ಪ್ರಧಾನಿ ಮುಂದೆ ಧರಣಿ ನಡೆಸಿದ್ದರಾ? ಬಿಜೆಪಿ ಶಾಸಕ ಸುಧಾಕರ್ ಪ್ರಶ್ನೆ

Team Udayavani, Jan 10, 2020, 12:17 PM IST

ಚಿಕ್ಕಬಳ್ಳಾಪುರ: ರಾಜ್ಯಕ್ಕೆ ಕೇಂದ್ರ ಸರ್ಕಾರ ನೀಡಿರುವ ನೆರೆ ಪರಿಹಾರವನ್ನು ಬಕಾಸುರನ ಹೊಟ್ಟೆಗೆ ಅರೆಕಾಸಿನ ಮಜ್ಜಿಗೆ ಎಂದು ಟೀಕಿಸಿರುವ ಮಾಜಿ ಸಿಎಂ ಸಿದ್ದರಾಮಯ್ಯ ವಿರುದ್ದ ಚಿಕ್ಕಬಳ್ಳಾಪುರದ ಕ್ಷೇತ್ರದ ಬಿಜೆಪಿ ಶಾಸಕ ಡಾ.ಕೆ.ಸುಧಾಕರ್ ವಾಗ್ದಾಳಿ ನಡೆಸಿದರು.

ರಾಜ್ಯಕ್ಕೆ ಕೇಂದ್ರ ಸರ್ಕಾರ ಎರಡು ಬಾರಿ‌ ನೆ ರೆ ಪರಿಹಾರ ಕೊಟ್ಟಿದೆ. ಅದನ್ನು‌ ಸ್ವಾಗತಿಸುವುದರ‌ ಬದಲು ಟೀಕಿಸುವುದು ಸರಿಯಲ್ಲ. ನಾನು ಆಗಿದ್ದರೆ ಪ್ರಧಾನಿ ಮೋದಿ‌ ಎದುರು ಧರಣಿ ನಡೆಸುತ್ತಿದ್ದೆ ಎಂಬ ಸಿದ್ದರಾಮಯ್ಯ ಹೇಳಿಕೆ ಬಾಲಿಶವಾದುದು. ಸಿದ್ದರಾಮಯ್ಯ ಮುಖ್ಯಮಂತ್ರಿ ಆಗಿದ್ದಾಗ ಎಂದಾದರು ರಾಜ್ಯದ ನೆರೆ ಪರಿಹಾರಕ್ಕಾಗಿ ಪ್ರಧಾನಿಗಳ ಮುಂದೆ ಧರಣಿ ನಡೆಸಿದ್ದರಾ ಎಂದು ಸುಧಾಕರ್ ಪ್ರಶ್ನಿಸಿದರು.

ಸಚಿವ ಸಂಪುಟ ವಿಸ್ತರಣೆ ತಡೆ ಆಗುತ್ತಿರುವ ಕುರಿತು ಪ್ರತಿಕ್ರಿಯೆ ನೀಡಿದ ಅವರು ನನ್ನ ಅನುಭವದ ಪ್ರಕಾರ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರು ಕೊಟ್ಟ ಮಾತನ್ನು ತಪ್ಪುವುದಿಲ್ಲ. ನಮಗೆ ಒಳ್ಳೆಯ ಮುಹೂರ್ತ ನೋಡಿಕೊಂಡು ಅಧಿಕಾರ ಕೊಡಲಿದ್ದಾರೆಂದರು.