ಮಹಿಳಾ ಸಂಘಕ್ಕೆ ಸಾಲ ವಿತರಣೆ

Team Udayavani, Dec 31, 2021, 7:24 PM IST

ಮುಳಬಾಗಿಲು: ಮಹಿಳೆಯರು ಆರ್ಥಿಕವಾಗಿ ಸಬಲರಾಗಲು ಡಿಸಿಸಿ ಬ್ಯಾಂಕ್‌ ಸಾಲ ವಿತರಣೆ ಮಾಡುತ್ತಿದ್ದು, ಸದ್ಬಳಕೆ ಮಾಡಿಕೊಳ್ಳ ಬೇಕು ಎಂದು ಬ್ಯಾಂಕ್‌ ನಿರ್ದೇಶಕ ಎಂ.ಸಿ.ನೀಲಕಂಠೇ ಗೌಡ ತಿಳಿಸಿದರು.

ತಾಲೂಕಿನ ಮುಷ್ಟೂರು ವ್ಯವಸಾಯ ಸೇವಾ ಸಹಕಾರ ಸಂಘದ ಮೂಲಕ 15 ಮಹಿಳಾ ಸಂಘಗಳಿಗೆ 75 ಲಕ್ಷ ರೂ. ಮೈಕ್ರೋ ಎಟಿಎಂ ಕಾರ್ಡ್‌ ವಿತರಿಸಿ ಮಾತನಾಡಿ, ಮಹಿಳೆಯರು ಆರ್ಥಿಕ ವಾಗಿ ಶಕ್ತರಾಗಲು ಡಿಸಿಸಿ ಬ್ಯಾಂಕ್‌ ದೇಶದಲ್ಲಿ ಯಾವ ಬ್ಯಾಂಕೂ ನೀಡ ದಷ್ಟು ಸಾಲ ಮಹಿಳೆಯರಿಗೆ ನೀಡು ತ್ತಿದೆ ಎಂದು ಹೇಳಿದರು.

ಪಡೆದ ಸಾಲ ಸ್ವಯಂ ಉದ್ಯೋಗ, ಇತರೆ ಯೋಜನೆ ಗಳಿಗೆ ಬಳಕೆ ಮಾಡಿಕೊಂಡು ಸಕಾಲಕ್ಕೆ ಪಾವತಿ ಮಾಡಬೇಕು ಎಂದು ತಿಳಿಸಿದರು. ಗ್ರಾಪಂ ಅಧ್ಯಕ್ಷೆ ಸನಾವುಲ್ಲಾ ಹಮೀದಾ ಬೇಗಂ, ಸದಸ್ಯ ಎಂ.ಜಿ. ರಾಮಚಂದ್ರಪ್ಪ, ಸಂಘದ ಅಧ್ಯಕ್ಷ ಶಿವರಾಜ್‌, ಉಪಾಧ್ಯಕ್ಷ ಶಿವಕುಮಾರ್‌, ಮಾಜಿ ಅಧ್ಯಕ್ಷರಾದ ವೆಂಕಟರವಣಪ್ಪ, ಕೋದಂಡರಾಮಯ್ಯ, ಎಪಿಎಂಸಿ ನಿರ್ದೇಶಕ ವಿವೇಕಾನಂದಗೌಡ, ಪೆದ್ದೂರು ಭಾಸ್ಕರ್‌, ವಿಎಸ್‌ಎಸ್‌ಎನ್‌ ಕಾರ್ಯನಿರ್ವಾಹಕ ಅಧಿಕಾರಿ ಜಿ. ಸಂಜೀವಪ್ಪ, ಸರೋಜಮ್ಮ, ರಾಜಮ್ಮ, ಮೆಹಬೂಬ್‌, ಶ್ರೀನಿವಾಸ್‌, ಶಿವ ಪ್ರಸಾದ್‌ ಮಂಜುನಾಥ್‌ ಇದ್ದರು.