ಸೀತಾಫಲದ ಆಸೆಯಿಂದ ಪ್ರಾಣ ಕಳೆದುಕೊಂಡ ನಾಲ್ವರು ವಿದ್ಯಾರ್ಥಿಗಳು

Team Udayavani, Nov 4, 2020, 10:47 PM IST

ಸಾಂದರ್ಭಿಕ ಚಿತ್ರ

ಚಿಕ್ಕಬಳ್ಳಾಪುರ: ಚಿಕ್ಕಬಳ್ಳಾಪುರ ಜಿಲ್ಲೆಯ ಬಾಗೇಪಲ್ಲಿ ತಾಲೂಕಿನ ಚೇಳೂರು ಪೋಲೀಸ್ ಠಾಣಾ ವ್ಯಾಪ್ತಿಯ ಸುಜ್ವಾರಪಲ್ಲಿ ಗ್ರಾಮದಲ್ಲಿ ಕೆರೆಯಲ್ಲಿ ಈಜಾಡಲು ಹೋದ ನಾಲ್ವರು ವಿದ್ಯಾರ್ಥಿಗಳು ಕೆರೆಯಲ್ಲಿ ಮುಳುಗಿ ಮೃತಪಟ್ಟ ಹೃದಯ ವಿದ್ರಾವಕ ಘಟನೆ ನಡೆದಿದೆ.

ಮೃತಪಟ್ಟ ವಿದ್ಯಾರ್ಥಿಗಳನ್ನು ಆಂದ್ರಪ್ರದೇಶ ಮೂಲದ ವಡ್ಡಿವಾಂಡಪಲ್ಲಿಯ ಬದ್ರಿನಾಥ್ ಬಿನ್ ವೆಂಕಟೇಶ್, ಸಾಲಮಾಕಲಪಲ್ಲಿ ಗ್ರಾಮದ ವರೂಣ್ ಬಿನ್ ನಾಗರಾಜ್, ಸಂತೋಷ್ ಬಿನ್ ರಮೇಶ್ ಹಾಗೂ ಉದ್ದಮವಾರಪಲ್ಲಿಯ ಮಹೇಶ್ ಬಿನ್ ಗಂಗರಾಜು ಎಂದು ಗುರುತಿಸಲಾಗಿದೆ.

ವಿದ್ಯಾರ್ಥಿಗಳು ಸೀತಾಫಲದ ಆಸೆಯಿಂದ ಮನೆಯಿಂದ ಹೊರಬಂದು ಕೆರೆಯಲ್ಲಿ ಈಜಾಡಲು ಹೋಗಿ ಪ್ರಾಣವನ್ನು ಕಳೆದುಕೊಂಡಿದ್ದಾರೆ ಅಗ್ನಿ ಶಾಮಕದಳ ಮತ್ತು ಪೋಲೀಸ್ ಇಲಾಖೆಯ ಸಿಬ್ಬಂದಿ ಜಂಟಿ ಕಾರ್ಯಚರಣೆ ನಡೆಸಿ ನಾಪತ್ತೆಯಾಗಿದ್ದ ಇಬ್ಬರು ವಿದ್ಯಾರ್ಥಿಗಳ ಶವಗಳನ್ನು ಪತ್ತೆ ಮಾಡಿ ಕೆರೆಯಿಂದ ಹೊರ ತೆಗೆಯುವುದರಲ್ಲಿ ಯಶಸ್ವಿಯಾಗಿದ್ದಾರೆ ಮೊದಲು ಎರಡು ಶವಗಳನ್ನು ಹೊರತೆಗೆದು ಬಳಿಕ ಮತ್ತೆರಡು ಶವಗಳನ್ನು ಹೊರ ತೆಗೆಯಲಾಗಿದೆ.