ಚಿಂತಾಮಣಿಯಲ್ಲಿ ಆಲಿಕಲ್ಲು ಸಮೇತ ಭಾರಿ ಮಳೆ: ಸಂತಸದಲ್ಲಿ ಬರದಿಂದ ಕಂಗೆಟ್ಟಿದ್ದ‌ರೈತ

Team Udayavani, Apr 25, 2020, 5:32 PM IST

ಚಿಕ್ಕಬಳ್ಳಾಪುರ: ಜಿಲ್ಲೆಯ ವಾಣಿಜ್ಯ ನಗರಿ‌‌ ಚಿಂತಾಮಣಿ, ರೇಷ್ಮೆ ನಗರಿ‌ ಶಿಡ್ಲಘಟ್ಟ ಸೇರಿದಂತೆ‌ ಹಲವಡೆ ಉತ್ತಮ ಮಳೆಯಾಗಿದ್ದು ಬರದಿಂದ ಕಂಗೆಟ್ಟಿದ್ದ‌ ರೈತಾಪಿ ಜನರಲ್ಲಿ ಸಂತಸ ಮನೆ ಮಾಡಿದೆ

ಜಿಲ್ಲೆಯಲ್ಲಿ ಗೌರಿಬಿದನೂರು, ಚಿಕ್ಕಬಳ್ಳಾಪುರ ಹೊರತುಪಡಿಸಿ ಉಳಿದ ತಾಲೂಕುಗಳು ಕೋವಿಡ್-19 ಮುಕ್ತವಾಗಿದ್ದು ಈ ತಾಲೂಕುಗಳಲ್ಲಿ ಸದ್ಯ ಮಳೆ ಆಗಿರುವುದು ಕೃಷಿ ಚಟುವಟಿಕೆಗಳನ್ನು ನಡೆಸಲು ಅನುಕೂಲ ಕಲ್ಪಿಸಿದೆ.

ಚಿಂತಾಮಣಿ ನಗರ ಸೇರಿದಂತೆ ಗ್ರಾಮೀಣ ಪ್ರದೇಶಗಳಲ್ಲಿ ಉತ್ತಮ ಮಳೆ ಆಗಿದ್ದು ಆಲಿಕಲ್ಲು ಮಳೆ ಆಗಿರುವುದು ವಿಶೇಷ. ಜಿಲ್ಲೆಯಲ್ಲಿ ಅತಿ ಹೆಚ್ವಿನ ಪ್ರಮಾಣದಲ್ಲಿ ಕುಡಿಯುವ ಕುಡಿಯುವ ನೀರಿನ ಸಂಕಷ್ಟ ಚಿಂತಾಮಣಿಯಲ್ಲಿದ್ದು ಮಳೆರಾಯನ ಕೃಪೆಯಿಂದ ಗ್ರಾಮೀಣ ಪ್ರದೇಶಗಳಲ್ಲಿ ನೀರಿನ ಸಮಸ್ಯೆ ತುಸು ಸುಧಾರಿಸಲಿದೆ. ಜಿಲ್ಲಾದ್ಯಂತ ಮೋಡ ಕವಿದ ವಾತಾವರಣವು ಇದ್ದು ಚಿಕ್ಕಬಳ್ಳಾಪುರ ಸೇರಿದಂತೆ ಜಿಲ್ಲೆಯ‌ ಉಳಿದ ತಾಲೂಕುಗಳಲ್ಲಿ ಮಳೆ‌ ಆಗುವ ಸಾಧ್ಯತೆ ಇದೆ.

ಮನೆಗಳಿಗೆ ನುಗ್ಗಿದ ನೀರು

ಜಿಲ್ಲೆಯಲ್ ಚಿಂತಾಮಣಿ ನಗರದಲ್ಲಿ ಶನಿವಾರ ಮಳೆ‌ ಬಿದ್ದ. ಸಂದರ್ಭದಲ್ಲಿ ನಗರದ ಹಲವು ಕೊಳಚೆ ಪ್ರದೇಶಗಳಲ್ಲಿ ಮನೆಗಳಿಗೆ ನೀರು ನುಗ್ಗಿ ನಾಗರಿಕರು ಪರದಾಡಬೇಕಾಯಿತು.