ಶಿಡ್ಲಘಟ್ಟ: ಜಂಗಮಕೋಟೆ ಗ್ರಾ.ಪಂ. ಉಪಚುನಾವಣೆ; ಮಂಜಮ್ಮ ನಾರಾಯಣ ಸ್ವಾಮಿ ಗೆಲುವು

Team Udayavani, Oct 31, 2022, 12:51 PM IST

ಶಿಡ್ಲಘಟ್ಟ: ಚಿಕ್ಕಬಳ್ಳಾಪುರ ಜಿಲ್ಲೆಯ ಶಿಡ್ಲಘಟ್ಟ ತಾಲೂಕಿನ ಜಂಗಮಕೋಟೆ ಗ್ರಾಮ ಪಂಚಾಯತ್ ಜಂಗಮಕೋಟೆ-5‌ರ ಸ್ಥಾನದ ಉಪ ಚು‌ನಾವಣೆ ಫಲಿತಾಂಶ ಪ್ರಕಟವಾಗಿದ್ದು, ಮಂಜಮ್ಮ ನಾರಾಯಣಸ್ವಾಮಿ 402 ಮತಗಳು ಪಡೆದು ಜಯ ಗಳಿಸಿದ್ದಾರೆ ಎಂದು ಚುನಾವಣಾಧಿಕಾರಿ ಚಂದ್ರಪ್ಪ ಘೋಷಿಸಿದ್ದಾರೆ.

ಅನುಸೂಚಿತ ಜಾತಿಗೆ ಮೀಸಲಾದ ಸ್ಥಾನಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಮಂಜಮ್ಮ ನಾರಾಯಣಸ್ವಾಮಿ ಅವರು ಜಯ ಗಳಿಸಿದ್ದಾರೆ. ಚುನಾವಣೆಯಲ್ಲಿ ಸ್ಪರ್ಧಿಸಿದ್ದ ಜೆ.ಎನ್.ನರಸಿಂಹಯ್ಯ(ಮೇಸ್ತ್ರೀ) ಅವರು 379,ಅಂರೀಶ್(ರೆಬೆಲ್) 2, ಪುಷ್ಪ ಮನೋಜ್ 120 ಮತಗಳು ಪಡೆದಿದ್ದಾರೆ. ಇನ್ನೂ 16 ಮತಗಳು ತಿರಸ್ಕೃತ ಗೊಂಡಿವೆ.

ಶಿಡ್ಲಘಟ್ಟ ತಾಲೂಕು ಕಚೇರಿಯಲ್ಲಿ ಮತ ಎಣಿಕೆಗಳ ಕಾರ್ಯ ಪೂರ್ಣಗೊಂಡಿದ್ದು, ಸಿಪಿಐ ನಂದ ಕುಮಾರ್ ಅವರ ಮಾರ್ಗದರ್ಶನದಲ್ಲಿ ಗ್ರಾಮಾಂತರ ಪೊಲೀಸ್ ಠಾಣೆಯ ಪಿಎಸ್‌ಐ ಸತೀಶ್, ನಗರ ಪೊಲೀಸ್ ಠಾಣೆಯ ಪಿಎಸ್ಐ ಸುನಿಲ್ ಹಾಗೂ ಅಪರಾಧ ವಿಭಾಗದ ಪಿಎಸ್ಐ ಪದ್ಮಾವತಿ ಸೂಕ್ತ ಪೊಲೀಸ್ ಬಂದೋಬಸ್ ವ್ಯವಸ್ಥೆ ಮಾಡಿದ್ದರು.