ಶ್ರದ್ಧಾ ಭಕ್ತಿಯ ಭೂಮಿ ಹುಣ್ಣಿಮೆ ಹಬ್ಬ

Team Udayavani, Oct 21, 2021, 3:24 PM IST

ಶೃಂಗೇರಿ: ರೈತರ ಹಬ್ಬವೆಂದೇ ಭಾವಿಸಲಾಗಿರುವ ಭೂಮಿ ಹುಣ್ಣಿಮೆಹಬ್ಬವನ್ನು ತಾಲೂಕಿನಾದ್ಯಾಂತ ಶ್ರದ್ಧಾ ಭಕ್ತಿಯಿಂದ ಬುಧವಾರಆಚರಿಸಲಾಯಿತು.ಸೂರ್ಯ ಉದಯಿಸುವುದಕ್ಕೂ ಮುನ್ನವೇ ರೈತರು ಭೂಮಿಪೂಜೆಮಾಡಲು ಅಗತ್ಯ ತಯಾರಿಯೊಂದಿಗೆ ತಮ್ಮ ಜಮೀನಿಗೆ ತೆರಳಿ ಪೂಜೆಸಲ್ಲಿಸಿದರು.

ರೈತರು ಹಬ್ಬಕ್ಕಾಗಿ ವಿಶೇಷ ತಯಾರಿ ನಡೆಸಿದ್ದರು. ತಮ್ಮಜಮೀನಿನಲ್ಲಿ ತಳಿರು, ತೋರಣ, ಬಾಳೆ ಕಂಬ ನೆಟ್ಟು,ರಂಗೋಲಿ ಹಾಕಿಹಬ್ಬದ ಸಿದ್ದತೆ ನಡೆಸಿದರು. ತೋಟಗಳಲ್ಲಿ ಅಡಕೆ,ಬಾಳೆ ಮರಗಳಿಗೆಕೆಮ್ಮಣ್ಣು,ಸುಣ್ಣ ಬಳಿದು, ತಳಿರು ತೋರಣ, ಹೂವಿನ ಹಾರ ಹಾಕಿಶೃಂಗರಿಸಿದ್ದರು. ಅರಿಶಿನ ಕುಂಕುಮ, ಗಂಧ ಲೇಪಿಸಿ ಪೂಜೆ ಸಲ್ಲಿಸಿದರು.

ಭೂತಾಯಿಗೆ ಬೆರಕೆ ಸೊಪ್ಪಿನ ಪಲ್ಯ, ಮೊಸರನ್ನ, ತುಪ್ಪನ್ನ, ಚಿತ್ರನ್ನ,ಕೋಸಂಬರಿ, ಪಾಯಸ ಸಮರ್ಪಿಸಿದರು.ನಂತರ ಭತ್ತದ ಗದ್ದೆಗಳಲ್ಲಿಯೂವಿಶೇಷ ಪೂಜೆ ಸಲ್ಲಿಸಿ, ತೋಟ ಹಾಗೂ ಗದ್ದೆಗಳಿಗೆ ಪ್ರಸಾದವನ್ನು ಚೆಲ್ಲಿದರು.

ಮನೆ ಮನೆಗಳಲ್ಲಿ ವಿಶೇಷ ಅಡುಗೆ ಮಾಡಿ ಸಂಭ್ರಮಿಸಿದರು. ಭೂಮಿಹುಣ್ಣಿಮೆಯ ಮರುದಿನ ಭೂಮಿಯು ಬಲಿಯುವುದು ಎಂಬ ನಂಬಿಕೆಇರುವ ಹಿನ್ನಲೆಯಲ್ಲಿ ಭೂಮಿಗೆ ಪೆಟ್ಟು ಮಾಡಬಾರದು ದೃಷ್ಠಿಯಿಂದಕಾರ್ಮಿಕರು ಗುರುವಾರ ಕಾಯಕದಿಂದ ದೂರ ಉಳಿಯುತ್ತಾರೆ.