Mahakumbha Mela: ಕುಂಭಮೇಳದಲ್ಲಿ ಶೃಂಗೇರಿ ಸಹಿತ 4 ಆಮ್ನಾಯ ಪೀಠದ ಶ್ರೀಗಳು ಭಾಗಿ

Team Udayavani, Jan 15, 2025, 3:53 AM IST

ಶೃಂಗೇರಿ: ಮಹಾಕುಂಭಮೇಳದಲ್ಲಿ ಶ್ರೀಶಾರದಾ ಪೀಠದ ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿ ಸಹಿತ 4 ಆಮ್ನಾಯ ಪೀಠದ ಸ್ವಾಮೀಜಿಗಳು ಭಾಗವಹಿಸಲಿದ್ದಾರೆ ಎಂದು “ಗ್ಲೋಬಲ್‌ ಸಿಟಿಜನ್‌ ಫೋರಂ’ ಸಂಸ್ಥಾಪಕ ರಾಜರ್ಷಿ ಭೂಪೇಂದ್ರ ಮೋದಿ ಹೇಳಿದರು.

ಮಂಗಳವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, 1881ರ ನಂತರ ಮಹಾ ಕುಂಭಮೇಳ ನಡೆಯುತ್ತಿದ್ದು, ಫೆ.25ರಂದು ನಾಲ್ವರು ಶಂಕರಚಾರ್ಯರು ಪ್ರಯಾಗ್‌ರಾಜ್‌ಗೆ ಆಗಮಿಸಲಿದ್ದಾರೆ ಎಂದರು. 200 ವರ್ಷದ ಹಿಂದೆ ಹಿಂದೂ ಧರ್ಮ ಅವನತಿ ಹಾದಿಯಲ್ಲಿದ್ದಾಗ ಅವತಾರವೆತ್ತಿದ ಶ್ರೀ ಶಂಕರಾಚಾರ್ಯರು ಸನಾತನ ಧರ್ಮವನ್ನು ಉಳಿಸಿದರು. ಶ್ರೀ ಶಾರದಾ ಪೀಠವನ್ನು ದಕ್ಷಿಣದಲ್ಲಿ ಸ್ಥಾಪಿಸಿದರು. ಅಂದಿನಿಂದ ಇಂದಿನವರೆಗೂ ಸನಾತನ ಧರ್ಮದಲ್ಲಿ ಶ್ರೀ ಶಂಕರರು ಹೇಳಿದ ಎಲ್ಲ ತತ್ವಗಳು ಪ್ರಸ್ತುತವಾಗಿದೆ ಎಂದರು.

ಇದಕ್ಕೂ ಮೊದಲು ಭೂಪೇಂದ್ರ ಮೋದಿ ಶ್ರೀಶಾರದಾ ಪೀಠದ ಜಗದ್ಗುರು ಶ್ರೀ ವಿಧುಶೇಖರ ಭಾರತೀ ಸ್ವಾಮೀಜಿಗಳ ಆಶೀರ್ವಾದ ಪಡೆದರು. ಜಗದ್ಗುರುಗಳು ಮೋದಿಯವರಿಗೆ ಶ್ರೀಯಂತ್ರ ಮತ್ತು ಧರ್ಮ ದಂಡವನ್ನು ನೀಡಿದರು. ನಿತಿನ್‌ ಶರ್ಮ, ಪ್ರದೀಪ್‌ ನಂಬಿಯಾರ್‌ ಇದ್ದರು.