ತರೀಕೆರೆ ಸಂಪೂರ್ಣ ಬಂದ್

Team Udayavani, May 25, 2020, 5:55 PM IST

ಸಾಂದರ್ಭಿಕ ಚಿತ್ರ

ತರೀಕೆರೆ: ಕೋವಿಡ್ ಸೋಂಕು ತಡೆಗಟ್ಟುವ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ಭಾನುವಾರ ರಾಜ್ಯ ಸರಕಾರ ವಿಧಿಸಿದ್ದ ಲಾಕ್‌ಡೌನ್‌ ಗೆ ಮಲೆನಾಡಿನ ಹೆಬ್ಟಾಗಿಲಾದ ತರೀಕೆರೆ ಪಟ್ಟಣದಲ್ಲಿ ವ್ಯಾಪಕ ಬೆಂಬಲ ವ್ಯಕ್ತವಾಗಿದೆ.

ರಸ್ತೆ ಸಾರಿಗೆ ಸಂಸ್ಥೆ ಬಸ್‌ಗಳು ಸಂಚರಿಸದ ಕಾರಣ ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣ ಬಿಕೋ ಎನ್ನುತ್ತಿತ್ತು, ಆಟೋಗಳು ರೋಡಿಗಳಿಯಲಿಲ್ಲ, ಟ್ಯಾಕ್ಸಿ ಸ್ಟಾಂಡ್‌ನ‌ಲ್ಲಿ ವಾಹನಗಳು ನಿಲ್ಲಲಿಲ್ಲ. ಖಾಸಗಿ ವಾಹನಗಳ ಸಂಚಾರಕ್ಕೂ ಬ್ರೇಕ್‌ ಬಿದ್ದ ಕಾರಣ ಅವು ಸಂಚರಿಸಲಿಲ್ಲ. ಇದರಿಂದಾಗಿ ಇಡೀ ಪಟ್ಟಣ ಬಿಕೋ ಎನ್ನುತ್ತಿತ್ತು. ಕೋಡಿಕ್ಯಾಂಪ್‌ ವ್ಯಾಪ್ತಿಯಲ್ಲಿ ಕೋವಿಡ್ ಪ್ರಕರಣ ಕಂಡು ಬಂದಿರುವ ಹಿನ್ನೆಲೆಯಲ್ಲಿ ಹಲವು ಬೀದಿಗಳನ್ನು ಈಗಾಗಲೇ ಜಿಲ್ಲಾಡಳಿತ ಸೀಲ್‌ ಡೌನ್‌ ಮಾಡಿರುವುದರಿಂದ ಅಲ್ಲಿಯೂ ಕೂಡ ಜನ ಸಂಚಾರವಿರಲಿಲ್ಲ.

ಎಂದಿನಂತೆ ದಿನಸಿ, ಮೆಡಿಕಲ್‌, ಹಣ್ಣಿನ ಅಂಗಡಿಗಳು ತೆರದಿದ್ದರೂ ಸಹ ಜನರ ಓಡಾಟ ವಿರಳವಾಗಿತ್ತು. ಮಾಂಸದ ಅಂಗಡಿ, ಮೀನಿನ ಅಂಗಡಿ ಮತ್ತು ಕೋಳಿ ಅಂಗಡಿಗಳು ತೆರದಿದ್ದವು. ಪೊಲೀಸರು, ಪುರಸಭೆ ಅಧಿಕಾರಿಗಳು ವಾಹನಗಳಲ್ಲಿ  ಸಂಚರಿಸುತ್ತ ಜನರನ್ನು ಎಚ್ಚರಿಸುತ್ತಿದ್ದ ದೃಶ್ಯ ಸಾಮಾನ್ಯವಾಗಿತ್ತು.