ಹುಲಿ ಉಗುರು ಮಾರಾಟ ಜಾಲ ಪತ್ತೆ

Team Udayavani, Oct 29, 2021, 8:16 PM IST

 ಚಿಕ್ಕಮಗಳೂರು: ನಗರದಲ್ಲಿ ಸಕ್ರಿಯ ವಾಗಿದ್ದ ಹುಲಿ ಉಗುರು ಮಾರಾಟ ಜಾಲವನ್ನು ಪತ್ತೆ ಹಚ್ಚುವಲ್ಲಿ ಅರಣ್ಯ ಇಲಾಖೆ ಸಂಚಾರಿ ಅರಣ್ಯ ವಲಯದ ಅಧಿಕಾರಿಗಳ ತಂಡ ಯಶಸ್ವಿ ಯಾಗಿದೆ.

ಅರಣ್ಯ ಸಂಚಾರಿ ದಳ ವಿಭಾಗದ ಉಪ ಅರಣ್ಯ ಸಂರಕ್ಷಣಾ ಧಿಕಾರಿ ಸತೀಶ್‌ ಮಾರ್ಗದರ್ಶನದಲ್ಲಿ ಸಹಾಯಕ ಅರಣ್ಯ ಸಂರಕ್ಷಣಾ ಧಿಕಾರಿ ಜಯೇಶ್‌ ಮತ್ತು ಅರಣ್ಯಾ ಧಿಕಾರಿ ವೆಂಕಟೇಶ್‌ ಅವರ ತಂಡದವರು ಹುಲಿ ಉಗುರು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಆರೋಪಿತ ಕಲ್ಲುದೊಡ್ಡಿ ಇಂದಿರಾನಗರದ ಶೇಖರ್‌ ಎಂಬಾತನನ್ನು ವಶಕ್ಕೆ ಪಡೆದಿದ್ದಾರೆ.

ಬಂಧಿತನಿಂದ 2 ಹುಲಿ ಉಗುರು, ಮೊಬೈಲ್‌ ಫೋನ್‌ ವಶಪಡಿಸಿಕೊಂಡಿದ್ದಾರೆ. ಹುಲಿ ಉಗುರು ಮಾರಾಟಕ್ಕೆ ನೀಡಿದ್ದ ಹುಕ್ಕುಂದ ಗ್ರಾಮದ ಸುಂದರ್‌ ತಲೆಮರೆಸಿಕೊಂಡಿದ್ದು, ಆತನ ಬಂಧನಕ್ಕೆ ಬಲೆ ಬೀಸಿದ್ದಾರೆ. ಹುಕ್ಕುಂದ ಗ್ರಾಮದ ಕಾμತೋಟದಲ್ಲಿ ಉರುಳು ಹಾಕಿ ಹುಲಿ ಕೊಂದು 2 ಉಗುರುಗಳನ್ನು ಸುಂದರ್‌ ತನ್ನ ಬಳಿ ಇರಿಸಿಕೊಂಡಿದ್ದು, ಈ ಉಗುರುಗಳನ್ನು ಮಾರಾಟ ಮಾಡುವಂತೆ ಶೇಖರ್‌ಗೆ ನೀಡಿದ್ದ ಎಂದು ತನಿಖೆ ವೇಳೆ ತಿಳಿದು ಬಂದಿದೆ.

ಆತನ ಬಂಧನದ ಬಳಿಕ ಹುಲಿ ಹತ್ಯೆ ವಿಚಾರ ಬೆಳಕಿಗೆ ಬರಲಿದೆ. ಕಾರ್ಯಾಚರಣೆಯಲ್ಲಿ ವಲಯ ಅರಣ್ಯಾ ಧಿಕಾರಿ ವೆಂಕಟೇಶ್‌, ಉಪವಲಯ ಅರಣ್ಯಾ ಧಿಕಾರಿ ನಂದೀಶ್‌, ದಿನೇಶ್‌, ಅಶ್ವಥ್‌, ನಾರಾಯಣ, ವೆಂಕಟೇಶ್‌, ಅರಣ್ಯ ರಕ್ಷಕರಾದ ಹೇಮಂತ್‌, ಕುಮಾರಸ್ವಾಮಿ, ಜಯಪ್ರಕಾಶ್‌, ಈಶ್ವರ್‌, ವಾಹನ ಚಾಲಕ ಸುನೀಲ್‌ ಇದ್ದರು.