ಹಿರಿಯೂರಿನ ಏಳು ಜನರಿಗೆ ಕೋವಿಡ್ ಪಾಸಿಟಿವ್‌

Team Udayavani, Jun 28, 2020, 12:37 PM IST

ಹಿರಿಯೂರು: ನಗರದಲ್ಲಿ ಶನಿವಾರ ಮತ್ತೆ ಕೋವಿಡ್ ವಕ್ಕರಿಸಿದ್ದು, ಏಳು ಜನರ ವರದಿ ಕೋವಿಡ್ ಪಾಸಿಟಿವ್‌ ಬಂದಿರುವುದಾಗಿ ತಿಳಿದು ಬಂದಿದೆ.

ಅಂಗಡಿಯಲ್ಲಿ ಕೆಲಸ ಮಾಡುವ ಇಬ್ಬರು ಕೆಲಸಗಾರರಿಗೆ, ವೇದಾವತಿ ನಗರದಲ್ಲಿ ವೈದ್ಯರ ಸಂಪರ್ಕದಿಂದ 4 ಜನರಿಗೆ ಹಾಗೂ ಕ್ವಾರಂಟೈನ್‌ನಲ್ಲಿದ್ದ ವ್ಯಕ್ತಿಯೊಬ್ಬರಿಗೆ ಕೋವಿಡ್ ಸೋಂಕು ದೃಢಪಟ್ಟಿದೆ ಎಂದು ಬಲ್ಲ ಮೂಲಗಳು ತಿಳಿಸಿವೆ. ಕೋವಿಡ್ ಪೀಡಿತರ ಪ್ರಾಥಮಿಕ ಸಂಪರ್ಕದಲ್ಲಿದ್ದ 20 ಜನರ ಗಂಟಲು ದ್ರವವನ್ನು ಪರೀಕ್ಷೆಗೆ ಕಳುಹಿಸಿಕೊಡಲಾಗಿದೆ.

17 ಜನರನ್ನು ಕ್ವಾರಂಟೈನ್‌ನಲ್ಲಿಡಲಾಗಿದೆ. ಗೋಪಾಲಪುರ, ಸಿದ್ದನಾಯಕ ವೃತ್ತ ಹಾಗೂ ವೇದಾವತಿ ನಗರಕ್ಕೆ ತಹಶೀಲ್ದಾರ್‌ ಸತ್ಯನಾರಾಯಣ ಹಾಗೂ ತಾಲೂಕು ಆರೋಗ್ಯಾಧಿಕಾರಿ ಡಾ| ವೆಂಕಟೇಶ್‌, ಪೊಲೀಸ್‌ ಇಲಾಖೆ ಸಿಬ್ಬಂದಿಯೊಂದಿಗೆ ಭೇಟಿ ನೀಡಿ ಸದರಿ ಪ್ರದೇಶಗಳನ್ನು ಸೀಲ್‌ಡೌನ್‌ ಮಾಡಿಸಿದರು.