ಡೆಂಘೀ ನಿಯಂತ್ರಣಕ್ಕೆ ಸಹಕರಿಸಿ

Team Udayavani, Jun 6, 2020, 3:40 PM IST

ಸಾಂದರ್ಭಿಕ ಚಿತ್ರ

ಮಲೇಬೆನ್ನೂರು: ಡೆಂಘೀ ಜ್ವರ ನಿಯಂತ್ರಣಕ್ಕಾಗಿ ಆಶಾ ಕಾರ್ಯಕರ್ತರು ಪಟ್ಟಣದ ಎಲ್ಲಾ ವಾರ್ಡ್‌ಗಳ ಮನೆ ಮನೆಗೆ ಭೇಟಿ ನೀಡಿ ಲಾರ್ವ ಸಮೀಕ್ಷೆ ನಡೆಸುತ್ತಿದ್ದು, ಅವರಿಗೆ ಸಹಕರಿಸುವಂತೆ ಪಟ್ಟಣದ ಸಮುದಾಯ ಆರೋಗ್ಯ ಕೇಂದ್ರದ ಆಡಳಿತಾಧಿಕಾರಿ ಡಾ| ಲಕ್ಷ್ಮೀ ದೇವಿ ಸಾರ್ವಜನಿಕರಲ್ಲಿ ವಿನಂತಿಸಿದ್ದಾರೆ.

ಡೆಂಘೀ ಜ್ವರಕ್ಕೆ ಕಾರಣವಾಗುವ ಸೊಳ್ಳೆ ಮೊಟ್ಟ ಇಡುವ ಜಾಗವನ್ನು ಗುರುತಿಸುವ ಕಾರ್ಯವೇ ಲಾರ್ವ ಸಮೀಕ್ಷೆಯಾಗಿದ್ದು, ಮಲೇಬೆನ್ನೂರಿನಲ್ಲಿ 2016ರಲ್ಲಿ ಡೆಂಘೀ ಜ್ವರದ ಕೇಸುಗಳು ಹೆಚ್ಚು ಇದ್ದವು. ಸತತವಾಗಿ ಲಾರ್ವ ಸಮೀಕ್ಷೆ ಮಾಡುತ್ತಿರುವುದರಿಂದ ಡೆಂಘೀ ಜ್ವರದ ನಿಯಂತ್ರಣಕ್ಕೆ ಸಾಧ್ಯವಾಗುತ್ತಿದೆ. ಸಾರ್ವಜನಿಕರು ನೀರು ಶೇಖರಿಸಿಟ್ಟಿರುವ ತಾಣಗಳನ್ನು ಪರೀಕ್ಷೀಸಲು ಆಶಾ ಕಾರ್ಯಕರ್ತರು ಮನೆ ಮನೆಗೆ ಬಂದಾಗ ಅವರಿಗೆ ಸಹಕರಿಸಬೇಕು ಇದರಿಂದ ಡೆಂಘೀ ಹರಡದಂತೆ ತಡೆಯಬಹುದು ಎಂದರು.