ಸಂಭ್ರಮದ ತಿಪ್ಪೇರುದ್ರಸ್ವಾಮಿ ರಥೋತ್ಸವ

Team Udayavani, Mar 30, 2021, 3:05 PM IST

ನಾಯಕನಹಟ್ಟಿ: ಮಧ್ಯ ಕರ್ನಾಟಕದ ಪ್ರಮುಖ ರಥೋತ್ಸವಗಳಲ್ಲಿ ಒಂದಾದ ಗುರು ತಿಪ್ಪೇರುದ್ರಸ್ವಾಮಿ ರಥೋತ್ಸವ ಕೋವಿಡ್ ಆತಂಕದ ನಡುವೆ ಹಾಗೂ ಪಟ್ಟಣದ ಇತಿಹಾಸದಲ್ಲೇ ಮೊದಲ ಬಾರಿ ಅತ್ಯಂತ ಕಡಿಮೆ ಭಕ್ತರ ಸಮ್ಮುಖದಲ್ಲಿ ಸೋಮವಾರ ಸಡಗರ-ಸಂಭ್ರಮದಿಂದ ನೆರವೇರಿತು.

ಕೋವಿಡ್ ಕಾರಣದಿಂದ ಜಿಲ್ಲಾಡಳಿತರಥೋತ್ಸವವನ್ನು ನಿಷೇಧಿಸಿತ್ತು. ಈ ಹಿನ್ನೆಲೆಯಲ್ಲಿನೆರೆಯ ಆಂಣಧ್ರಪ್ರದೇಶ ಸೇರಿದಂತೆ ಸುತ್ತಲಿನ ಜಿಲ್ಲೆಗಳ ಜನರು ಆಗಮಿಸಲಿಲ್ಲ. ಸ್ಥಳೀಯರು ಮಾತ್ರರಥೋತ್ಸವದಲ್ಲಿ ಪಾಲ್ಗೊಂಡಿದ್ದರು. ಆರೋಗ್ಯಇಲಾಖೆಯಿಂದ ಎರಡು ಸಾವಿರಕ್ಕೂ ಹೆಚ್ಚು ಮಾಸ್ಕ್ ವಿತರಿಸಲಾಯಿತು. ಪ್ರತಿ ಬಾರಿ ಎರಡು ಲಕ್ಷಕ್ಕೂ ಹೆಚ್ಚು ಜನರು ಜಾತ್ರೆಗೆ ಆಗಮಿಸುತ್ತಿದ್ದರು. ಆದರೆ ಈ ಬಾರಿ ಭಕ್ತರ ಸಂಖ್ಯೆ 20 ಸಾವಿರವನ್ನು ದಾಟಿರಲಿಲ್ಲ.

ಫಾಲ್ಗುಣ ಮಾಸದ ಚಿತ್ತಾ ನಕ್ಷತ್ರದ ಸಮಯ 4.05ಕ್ಕೆ ರಥೋತ್ಸವ ಆರಂಭಗೊಂಡಿತು. ಮೋಡ ಮುಸುಕಿದ ವಾತಾವರಣ ಬಿರು ಬಿಸಿಲನ್ನು ಸ್ವಲ್ಪ ಪ್ರಮಾಣದಲ್ಲಿಕಡಿಮೆ ಮಾಡಿತ್ತು. ರಥೋತ್ಸವ ಆರಂಭವಾಗುತ್ತಿದ್ದಂತೆ”ತಿಪ್ಪೇರುದ್ರಸ್ವಾಮಿಗೆ ಜಯವಾಗಲಿ’ ಎಂಬ ಉದ್ಘೋಷ ಮುಗಿಲು ಮುಟ್ಟಿತ್ತು. ಭಕ್ತರು ರಥಕ್ಕೆ ಬಾಳೆಹಣ್ಣು, ಮೆಣಸು, ದವನವನ್ನು ಅರ್ಪಿಸಿದರು. ಕೆಲವರುಕೊಬ್ಬರಿ ಸುಟ್ಟು ಹರಕೆ ತೀರಿಸಿದರು. ಹೊರಮಠಹಾಗೂ ಒಳಮಠಗಳಲ್ಲಿ ಭಕ್ತರ ಸಂಖ್ಯೆ ಅತ್ಯಂತ ಕಡಿಮೆಇತ್ತು. 100 ರೂ.ಗಳ ನೇರ ದರ್ಶನಕ್ಕೆ ಜನರ ಕೊರತೆ ಕಾಡುತ್ತಿತ್ತು.

ರಥದಲ್ಲಿ ಶ್ರೀ ತಿಪ್ಪೇಸ್ವಾಮಿ ಎಂಬ ಹೆಸರನ್ನು ಎರಡು ವಿಧದ ಹೂವುಗಳಿಂದ ಅಲಂಕರಿಸಲಾಗಿತ್ತು. ಜೊತೆಗೆಚೆಂಡು ಹೂವು, ಸೇವಂತಿ ಹಾಗೂ ಗುಲಾಬಿ ಹೂವುಗಳಅಲಂಕಾರ ವಿಶೇಷವಾಗಿತ್ತು. ಹೆಸರಿನ ಮೇಲ್ಭಾಗದಲ್ಲಿಈಶ್ವರ ಲಿಂಗವನ್ನು ಹೂವಿನಿಂದ ಅಲಂಕರಿಸಲಾಗಿತ್ತು.ಶ್ರೀರಾಮುಲು ಆಪ್ತ ಸಹಾಯಕ ಪಾಪೇಶ ನಾಯಕಹಾಗೂ ಸೋಮು ಪುಷ್ಪಾಲಂಕಾರ ಮಾಡಿಸಿದ್ದರು. ಜಾತ್ರೆಯ ನಿಷೇಧದಿಂದಾಗಿ ಕಳೆದ ಒಂದುವಾರದಿಂದ ಅಂಗಡಿ ಮುಂಗಟ್ಟುಗಳಿಗೆ ನಿಷೇಧಹೇರಲಾಗಿತ್ತು. ಪೊಲೀಸ್‌ ಇಲಾಖೆ ಕರಪತ್ರ, ಧ್ವನಿವರ್ಧಕ, ಟಾಂ,ಟಾಂ ಸೇರಿದಂತೆ ನಾನಾಮಾಧ್ಯಮಗಳ ಮೂಲಕ ಮಾಹಿತಿ ಒದಗಿಸಿತ್ತು. ಹೀಗಾಗಿ ಭಕ್ತರ ಸಂಖ್ಯೆ ಭಾರೀ ಪ್ರಮಾಣದಲ್ಲಿ ಕಡಿಮೆಯಾಗಿತ್ತು.ಜಾತ್ರೆಯಲ್ಲಿ ಸಿಹಿತಿಂಡಿ, ಮನೋರಂಜನೆ, ದಿನಬಳಕೆವಸ್ತುಗಳು, ಆಟಿಕೆಗಳು, ಕೂಲ್‌ಡ್ರಿಂಕ್ಸ್‌ ಸೇರಿದಂತೆಯಾವುದೇ ಅಂಗಡಿ ಮುಂಗಟ್ಟುಗಳಿಗೆ ಅವಕಾಶನೀಡಿರಲಿಲ್ಲ. ಹೀಗಾಗಿ ಜಾತ್ರೆ ಕೇವಲ ಸೀಮಿತ ಭಕ್ತರಿಗೆ ಮಾತ್ರ ಸೀಮಿತವಾಗಿತ್ತು.

ವರ್ಷಕ್ಕೊಮ್ಮೆ ಒಂದಷ್ಟು ವ್ಯಾಪಾರ ಮಾಡಿ ಸಂಪಾದನೆ ಮಾಡುತ್ತಿದ್ದ ಸಣ್ಣಪುಟ್ಟ ವ್ಯಾಪಾರಸ್ಥರಿಗೆ ಭಾರೀ ನಿರಾಶೆಯಾಯಿತು. ಸಿಹಿತಿಂಡಿ, ಆಟಿಕೆ,ಗೃಹಬಳಕೆ, ಐಸ್‌ಕ್ರೀಂ, ಕಾಯಿ, ಬಾಳೆಹಣ್ಣು,ಜ್ಯೂಸ್‌ ಸೇರಿದಂತೆ ಸಣ್ಣ ವ್ಯಾಪಾರಿಗಳಿಗೆ ಅವಕಾಶನಿರಾಕರಿಸಲಾಗಿತ್ತು. ಇಡೀ ಪಟ್ಟಣದಲ್ಲಿ ಅಂಗಡಿ ಮುಂಗಟ್ಟುಗಳು ಸಂಪೂರ್ಣವಾಗಿ ಸ್ಥಗಿತಗೊಂಡಿದ್ದವು. ದೇವಾಲಯದ ಮುಂಭಾಗದಲ್ಲಿ ದಿನ ನಿತ್ಯ ಕಾರ್ಯ ನಿರ್ವಹಿಸುತ್ತಿದ್ದ ಕಾಯಿ, ಬಾಳೆಹಣ್ಣಿನ ಅಂಗಡಿಗಳು ಮಾತ್ರ ವ್ಯಾಪಾರ ನಡೆಸಿದವು. ಸಂಜೆ 5:29ಕ್ಕೆ ರಥ ಸ್ವಸ್ಥಾನ ತಲುಪಿತು.

ಚಳ್ಳಕೆರೆ ಶಾಸಕ ಟಿ. ರಘುಮೂರ್ತಿ, ಮಾಜಿ ಸಚಿವ ಡಿ. ಸುಧಾಕರ್‌, ತೆಲಂಗಾಣದ ವಿಧಾನ ಸಭೆಯ ಸಚೇತಕ ಹಾಗೂ ರಾಯದುರ್ಗ ಶಾಸಕ ಕಾಪು ರಾಮಚಂದ್ರ ರೆಡ್ಡಿ, ಎಸ್ಪಿ ರಾಧಿ ಕಾ, ಎಎಸ್ಪಿ ನಂದಗಾವಿ, ಡಿವೈಎಸ್ಪಿ ತಿಪ್ಪೇಸ್ವಾಮಿ, ಅಪರ ಜಿಲ್ಲಾಧಿಕಾರಿ ಬಾಲಕೃಷ್ಣ, ದೇವಾಲಯದ ಇಒ ಮಂಜುನಾಥ್‌ ಬಿ. ವಾಲಿ,ತಹಶೀಲ್ದಾರ್‌ ಎಂ. ಮಲ್ಲಿಕಾರ್ಜುನ, ಕೊಲ್ಲೂರುದೇವಾಲಯದ ಎಡಿಸಿ ಎಸ್‌.ಪಿ.ಬಿ. ಮಹೇಶ್‌ ಮೊದಲಾದವರು ರಥೋತ್ಸವದಲ್ಲಿ ಪಾಲ್ಗೊಂಡಿದ್ದರು.