part-time job ಹೆಸರಿನಲ್ಲಿ 1.34 ಲ.ರೂ. ವಂಚನೆ

Team Udayavani, May 4, 2023, 5:00 AM IST

ಮಂಗಳೂರು: ಪಾರ್ಟ್‌ ಟೈಂ ಜಾಬ್‌ ಹೆಸರಿನಲ್ಲಿ ಲಿಂಕ್‌ ಕಳುಹಿಸಿ ವಂಚಿಸಿರುವ ಬಗ್ಗೆ ನಗರದ ಸೆನ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದೂರುದಾರರಿಗೆ ಎ.29ರಂದು ಅಪರಿಚಿತ ವ್ಯಕ್ತಿ +1(660)6160182 ಸಂಖ್ಯೆಯಿಂದ ವಾಟ್ಸಪ್‌ ಮೂಲಕ ಪಾರ್ಟ್‌ ಟೈಂ ಜಾಬ್‌ ಬಗ್ಗೆ ಸಂದೇಶ, ಟೆಲಿಗ್ರಾಂ ಆ್ಯಪ್‌ನ https:llt.me/Receptionistlakshmi04 ಲಿಂಕ್‌ ಕಳುಹಿಸಿದ್ದ. ಆನ್‌ಲೈನ್‌ನಲ್ಲಿ ಹಣ ದ್ವಿಗುಣಗೊಳಿಸುವ ಟಾಸ್ಕ್ ಪೂರೈಸುವಂತೆ ತಿಳಿಸಿದ್ದ. ಅದರಂತೆ ದೂರುದಾರರು ಮೊಬೈಲ್‌ ಬ್ಯಾಂಕಿಂಗ್‌ ಮೂಲಕ 9,000 ರೂ. ವರ್ಗಾಯಿಸಿದ್ದರು.

ಅನಂತರ ಅಪರಿಚಿತ ವ್ಯಕ್ತಿ ದೂರದಾರರ ವಿವಿಧ ಬ್ಯಾಂಕ್‌ಗಳ ಖಾತೆಗಳಿಂದ ಹಂತ ಹಂತವಾಗಿ ಎ.29 ಮತ್ತು 30ರಂದು 1.34 ಲ.ರೂ ವರ್ಗಾಯಿಸಿಕೊಂಡು ವಂಚಿಸಿದ್ದಾನೆ.