ಉಳ್ಳಾಲ: ಅಪರಿಚಿತ ಕಾರು ಢಿಕ್ಕಿ; ಸ್ಕೂಟರ್ ಸಹ ಸವಾರೆ ದಾರುಣ ಸಾವು

Team Udayavani, Mar 26, 2022, 12:16 PM IST

ಉಳ್ಳಾಲ: ಸ್ಕೂಟರ್ ಗೆ ಅಪರಿಚಿತ ಕಾರೊಂದು ಢಿಕ್ಕಿ ಹೊಡೆದ ಪರಿಣಾಮ ಹಿಂಬದಿ ಕುಳಿತಿದ್ದ ಮಹಿಳೆ ದಾರುಣ ಸಾವನ್ನಪ್ಪಿದ ಘಟನೆ ರಾ.ಹೆ. 66 ರ ಕಾಪಿಕಾಡಿನಲ್ಲಿ ನಡೆದಿದೆ.

ತೊಕ್ಕೊಟ್ಟು ಕಾಪಿಕಾಡು ಎರಡನೇ ಕ್ರಾಸ್  ನಿವಾಸಿ ಪೀಟರ್ ಡಿಸೋಜ ಎಂಬವರ ಪತ್ನಿ ಎಮಿಲ್ಡಾ ಡಿಸೋಜ (59) ಮೃತರು. ಸವಾರೆ ಕ್ಲೇವಿ ಡಿ.ಸೋಜಾ ಸಣ್ಣಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ.

ಎಮಿಲ್ಡಾ ಅವರು ಬೆಳಗ್ಗೆ ವಾಕಿಂಗ್ ಮಾಡಿಕೊಂಡು  ಚರ್ಚ್ ಗೆ ತೆರಳಿದ್ದರು. ವಾಪಾಸ್ ಮನೆ ಕಡೆ ಬರುತ್ತಿದ್ದಾಗ ನೆರೆಮನೆಯ ನಿವಾಸಿ ಕ್ಲೇವಿ ಡಿ‌ಸೋಜಾ ಅವರ ಸ್ಕೂಟರ್ ನಲ್ಲಿ    ವಾಪಾಸಾಗುತ್ತಿದ್ದಾಗ  ಕೇರಳ ಕಡೆಗೆ ತೆರಳುತ್ತಿದ್ದ ಅಪರಿಚಿತ ಕಾರು ಢಿಕ್ಕಿ ಹೊಡೆದಿದ್ದು ರಸ್ತೆಗೆ ಬಿದ್ದಿದ್ದ ಎಮಿಕ್ಡಾ ಗಂಭೀರ ಗಾಯಗೊಂಡಿದ್ದು ಆಸ್ಪತ್ರೆಗೆ ಸಾಗಿಸುವ ಮಧ್ಯೆ ಮೃತಪಟ್ಟಿದ್ದಾರೆ.

ನಾಗುರಿ ಸಂಚಾರಿ ಠಾಣಾ ಪೊಲೀಸರು ಹಿಟ್ ಆಂಡ್ ರನ್ ಪ್ರಕರಣ ದಾಖಲಿಸಿ, ಕಾರಿಗಾಗಿ ಶೋಧ ಮುಂದುವರಿಸಿದ್ದಾರೆ.