ಕುಕ್ಕೆ  ಸುಬ್ರಹ್ಮಣ್ಯಕ್ಕೆ  ನಟ ದರ್ಶನ್‌ ಭೇಟಿ

Team Udayavani, Apr 23, 2018, 11:39 AM IST

ಸುಬ್ರಹ್ಮಣ್ಯ : ಕನ್ನಡ ಚಲನಚಿತ್ರ ನಾಯಕ ನಟ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಅವರು ರವಿವಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇಗುಲಕ್ಕೆ ಭೇಟಿ ನೀಡಿದರು. ಕುಕ್ಕೆಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಕ್ಕೆ ಆಗಮಿಸಿದ ಅವರು ಶ್ರೀ ದೇವರ ದರುಶನ ಪಡೆದರು. ದರ್ಶನ್‌ ಅವರಿಗೆ ದೇಗುಲದ ಅರ್ಚಕರು ಶಾಲು ಹೊದೆಸಿ, ಮಹಾಪ್ರಸಾದ ನೀಡಿದರು. ಅವರು ಶ್ರೀ ದೇಗುಲದಲ್ಲಿ ಪ್ರಸಾದ ಭೋಜನ ಸ್ವೀಕರಿಸಿದರು.

ದರ್ಶನ್‌ ಅವರೊಂದಿಗೆ ಮಜಾ ಟಾಕೀಸ್‌ನ ನಿರ್ದೇಶಕ ಸೃಜನ್‌ ಲೋಕೇಶ್‌, ಟಗರು ಚಲನಚಿತ್ರದ ಖಳನಟ ಧನಂಜಯ ಸೇರಿದಂತೆ ಸ್ನೇಹಿತರು ಆಗಮಿಸಿದ್ದರು. ಶ್ರೀ ದೇಗುಲಕ್ಕೆ ಆಗಮಿಸಿದ ಅವರನ್ನು ಶಿಷ್ಟಾಚಾರ ಅಧಿಕಾರಿ ಗೋಪಿನಾಥ್‌ ನಂಬೀಶ ಸ್ವಾಗತಿಸಿದರು. ಪುರೋಹಿತ ಹರೀಶ್‌ ಭಟ್‌ ಉಪಸ್ಥಿತರಿದ್ದರು.