ನೃತ್ಯ ಸ್ಪರ್ಧೆ ಹೆಜ್ಜೆ ಗೆಜ್ಜೆಯಲ್ಲಿ  ಆಳ್ವಾಸ್‌ ಚಾಂಪಿಯನ್‌

Team Udayavani, Sep 1, 2017, 8:10 AM IST

ಮೂಡಬಿದಿರೆ: ಆಳ್ವಾಸ್‌ ಕಾಲೇಜಿನ ಆಶ್ರಯದಲ್ಲಿ ವಿದ್ಯಾಗಿರಿಯಲ್ಲಿ ಆ.30 ಮತ್ತು  31ರಂದು ನಡೆದ ಮಂಗಳೂರು ವಿ.ವಿ. ಅಂತರ್‌ ಕಾಲೇಜು ನೃತ್ಯ ಸ್ಪರ್ಧೆ “ಹೆಜ್ಜೆ ಗೆಜ್ಜೆ’ ಯಲ್ಲಿ ಆಳ್ವಾಸ್‌ ಕಾಲೇಜು ತಂಡ  ಜಾನಪದ ಸಮೂಹ ನೃತ್ಯದಲ್ಲಿ ಪ್ರಥಮ, ಭರತನಾಟ್ಯದಲ್ಲಿ ದಿವ್ಯಾ ಪ್ರಥಮ ಸ್ಥಾನ ಗಳಿಸುವ ಮೂಲಕ ಕಾಲೇಜು ಸಮಗ್ರ ಪ್ರಶಸ್ತಿ ಎತ್ತಿಕೊಂಡಿದೆ.

ಭರತನಾಟ್ಯದಲ್ಲಿ ಉಡುಪಿ ಎಂಜಿಎಂ ಕಾಲೇಜಿನ ಮೈತ್ರಿ ದ್ವಿತೀಯ, ಪುತ್ತೂರು ವಿವೇಕಾನಂದ ಕಾಲೇಜಿನ ಶಮಾ ತೃತೀಯ ಬಹುಮಾನ ಗಳಿಸಿದ್ದಾರೆ. ಜಾನಪದ ನೃತ್ಯದಲ್ಲಿ  ಗೋವಿಂದದಾಸ್‌ ಕಾಲೇಜು ದ್ವಿತೀಯ, ಎಂಜಿಎಂ ತೃತೀಯ ಸ್ಥಾನ ಗಳಿಸಿವೆ.

ಕಾರ್ಕಳದ ಭುವನೇಂದ್ರ ಕಾಲೇಜಿನಲ್ಲಿ   ಆ. 28 ಮತ್ತು 29ರಂದು ನಡೆದಿದ್ದ  ಅಂತರ್‌ ಕಾಲೇಜು ರಂಗಭೂಮಿ ಸ್ಪರ್ಧೆಯಲ್ಲಿ ಆಳ್ವಾಸ್‌  ಸ್ಕಿಟ್‌ ಮತ್ತು ಮೂಕಾಭಿನಯದಲ್ಲಿ  ಪ್ರಥಮ, ಮಿಮಿಕ್ರಿಯಲ್ಲಿ  ದ್ವಿತೀಯ  (ನಿತ್ಯಾನಂದ), ಏಕಾಂಕ ನಾಟಕದಲ್ಲಿ  ತೃತೀಯ ಸ್ಥಾನ ಗಳಿಸಿ ಸಮಗ್ರ ಪ್ರಶಸ್ತಿ ಪಡೆದಿದೆ.

ಈ ಎರಡು ಸಮಗ್ರ ಪ್ರಶಸ್ತಿಗಳಲ್ಲದೆ ಈ ಹಿಂದೆ ನಡೆದಿದ್ದ ಅಂತರ್‌ ಕಾಲೇಜು ಸಂಗೀತ, ಲಲಿತ ಕಲೆ ಹಾಗೂ ಸಾಹಿತ್ಯ ವಿಭಾಗಗಳಲ್ಲೂ ಆಳ್ವಾಸ್‌ ಕಾಲೇಜು ತಂಡಗಳು ಸಮಗ್ರ ಪ್ರಶಸ್ತಿ ಗಳಿಸುವ ಮೂಲಕ ಮಂಗಳೂರು ವಿ.ವಿ. ಅಂತರ್‌ ಕಾಲೇಜು ಮಟ್ಟದ  “ಯುವಜನೋತ್ಸವ’ ಎಲ್ಲ   5 ವಿಭಾಗಗಳಲ್ಲೂ  ಆಳ್ವಾಸ್‌ ಸಮಗ್ರ ಪ್ರಶಸ್ತಿ ಎತ್ತಿಕೊಂಡಂತಾಗಿದೆ.