ಅಂಬೇಡ್ಕರ್‌ ವಿಶ್ವನಾಯಕ: ಅಶೋಕ್‌ ಕೊಂಚಾಡಿ

Team Udayavani, Apr 15, 2019, 6:10 AM IST

ಪಕ್ಷಿಕೆರೆ: ಡಾ| ಬಾಬಾ ಸಾಹೇಬ ಅಂಬೇಡ್ಕರ್‌ ಅವರು ದಲಿತ ಜನಾಂಗಕ್ಕೆ ಮಾತ್ರ ನಾಯಕ ಅಲ್ಲ, ವಿಶ್ವ ನಾಯಕ ಎಲ್ಲ ಶೋಷಿತ ವರ್ಗದ, ಕಷ್ಟದಲ್ಲಿರುವವರ ಧ್ವನಿಯಾದರು ಎಂದು ರಾಜ್ಯ ದಲಿತ ಸಂಘರ್ಷ ಸಮಿತಿಯ ಮೈಸೂರು ವಿಭಾಗದ ಸಂಚಾಲಕ ಅಶೋಕ್‌ ಕೊಂಚಾಡಿ ಹೇಳಿದರು.

ಪಕ್ಷಿಕೆರೆ ಕೋರಬ್ಬು ದೈವಸ್ಥಾನದ ಬಳಿಯ ಸಮುದಾಯ ಭವನದಲ್ಲಿ ಕೆಮ್ರಾಲ್‌ ಯುವಕ ಮಂಡಲ ಪಕ್ಷಿಕೆರೆ, ಕರ್ನಾಟಕ ದಲಿತ ಸಂಘರ್ಷ ಸಮಿತಿಯ (ಪರಿವರ್ತನವಾದ) ಅಡಿಯಲ್ಲಿ ನಡೆದ ಡಾ| ಬಿ.ಆರ್‌. ಅಂಬೇಡ್ಕರ ಜಯಂತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಅಂಬೇಡ್ಕರ್‌ ಅವರು ಇಡೀ ವಿಶ್ವದಲ್ಲಿ ಗುರುತಿಸಿಕೊಂಡಿರುವ ಓರ್ವ ಮಾನವತಾವಾದಿ. ಅವರು ಶೋಷಿ ತರ ವರ್ಗಕ್ಕೆ ತನ್ನ ಸ್ಥಾನ ಮಾನ ದೊರಕಿಸು ಕೊಡುವಲ್ಲಿ ಹೋರಾಟ ಮಾಡಿ ಸಫಲರಾಗಿದ್ದಾರೆ ಎಂದರು.

ಪಕ್ಷಿಕೆರೆ ದಲಿತ ಸಂಘರ್ಷ ಸಮಿತಿ ಅಧ್ಯಕ್ಷ ಅಮರೇಶ್‌ ಅಧ್ಯಕ್ಷತೆ ವಹಿಸಿದ್ದರು. ಕೆಮ್ರಾಲ್‌ ಗ್ರಾಮ ಪಂಚಾಯತ್‌ ಪಿಡಿಒ ರಮೇಶ್‌ ರಾಠೊಡ್‌, ತಾಲೂಕು ಸಮಿತಿಯ ಸಂಚಾಲಕ ಕಮಲಾಕ್ಷ, ದೈವ ಸ್ಥಾನ ಜಿರ್ಣೋದ್ದಾರ ಸಮಿತಿಯ ಬಾಲಾದಿತ್ಯ, ಕೆಮ್ರಾಲ್‌ ಯುವಕ ಸಂಘದ ಅಧ್ಯಕ್ಷ ಅರುಣ್‌, ಎನ್‌ಎಂಪಿಟಿಯ ಸುಧಾಸಿನಿ, ಸಮಾಜ ಸೇವಕ ಮಯ್ಯದ್ದಿ, ದೈವಸ್ಥಾನದ ಆಡಳಿತ ಮಂಡಳಿಯ ಶ್ರೀಧರ್‌ ಪಕ್ಷಿಕೆರೆ, ದೈವಸ್ಥಾನದ ಗುರಿಕಾರ ಸತೀಶ್‌ ಅಮೀನ್‌ ಮತ್ತಿತತರು ಉಪಸ್ಥಿತರಿದ್ದರು. ನಿತಿನ್‌ ವಾಸ್‌ ಸ್ವಾಗತಿಸಿದರು. ಧನರಾಜ್‌ ಕಾರ್ಯಕ್ರಮ ನಿರೂಪಿಸಿದರು.