ಬೆಳ್ತಂಗಡಿ: ಏಳು ಕಳ್ಳತನ ಪ್ರಕರಣಗಳ ಮೂವರು ಆರೋಪಿಗಳ ಬಂಧನ, 5.50 ಲಕ್ಷ ರೂ. ಸೊತ್ತು ವಶ

Team Udayavani, Feb 22, 2020, 3:26 PM IST

ಬೆಳ್ತಂಗಡಿ: ಬೆಳ್ತಂಗಡಿ ಠಾಣಾ ವ್ಯಾಪ್ತಿಯ ವೇಣೂರು ಮತ್ತು ಧರ್ಮಸ್ಥಳ, ಪುತ್ತೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದ 7 ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿ ಮೂವರು ಆರೋಪಿಗಳನ್ನು ಸಹಿತ ಸೊತ್ತು ವಶಪಡಿಸಿಕೊಳ್ಳಲಾಗಿದೆ.

ಮುಂಡಾಜೆ ನಿವಾಸಿ ಸತೀಶ (33), ಪುತ್ತೂರು ಆರ್ಯಾಪು ನಿವಾಸಿ ರವಿ (29), ಮಂಗಳೂರು ಕುರುಪು ನಿವಾಸಿ ಹರೀಶ್ ಪೂಜಾರಿ (29) ಎಂಬುವವರನ್ನು ಬಂಧಿಸಲಾಗಿದೆ.

ಒಂದು ಮಾರುತಿ 800, ಎರಡು ಬೈಕ್, ಚಿನ್ನಾಭರಣ, 5 ಮೊಬೈಲ್, 1 ಲ್ಯಾಪ್ ಟಾಪ್ ವಶಪಡಿಸಿ ಕೊಳ್ಳಲಾಗಿದೆ. ಇದರ ಮೌಲ್ಯ ಸುಮಾರು 5,50,000 ರೂ. ಎಂದು ಅಂದಾಜಿಸಲಾಗಿದೆ.

ಒಟ್ಟು ಏಳು ಪ್ರಕಾರಗಳ ವಿಚಾರವಾಗಿ ಧರ್ಮಸ್ಥಳ, ವೇಣೂರು, ಪುತ್ತೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.  ವಿಚಾರಣೆ ನಡೆಸಿದ ವೃತ್ತ ನಿರೀಕ್ಷಕ ಸಂದೇಶಸ್ ಪಿ.ಜಿ. ತಂಡ ಆರೋಪಿಗಳ ಹೆಡೆಮುರಿ ಕಟ್ಟಿದೆ.

ಆರೋಪಿಗಳ ಬಂಧನದಿಂದ ಬಹುದೊಡ್ಡ ಪ್ರಕರಣದ ಜಾಲವೊಂದು ಬೆಳಕಿಗೆ ಬಂದಿದೆ.

ಬಂಟ್ವಾಳ ಉಪವಿಭಾಗ ಪೊಲೀಸ್ ಉಪಾಧೀಕ್ಷಕ ವೆಲೈಂಟೈನ್ ಡಿ ಸೋಜಾ, ವೃತ್ತ ನಿರೀಕ್ಷಕ ಸಂದೇಶ್ ಪಿ. ಜಿ., ಇತರ ಸಿಬಂದಿ ಹಾಜರಿದ್ದರು.