ವಂ| ಅಶೋಕ್‌ ನಲ್ಲ ಗುರುದೀಕ್ಷೆ ಸ್ವೀಕಾರ

Team Udayavani, Apr 12, 2018, 11:17 AM IST

ಮಂಗಳೂರು: ಮಿಶನರಿ ಸೊಸೈಟಿ ಆಫ್‌ ಇನ್‌ಫೆಂಟ್‌ ಜೀಸಸ್‌ಗೆ ಸೇರ್ಪಡೆಗೊಳ್ಳಲು ಬಯಸಿ ತರಬೇತಿ ಪಡೆದ ವಂ| ಅಶೋಕ್‌ ನಲ್ಲ ಅವರಿಗೆ ಬೋಂದೆಲ್‌ ಸೈಂಟ್‌ ಲಾರೆನ್ಸ್‌ ಚರ್ಚ್‌ನಲ್ಲಿ ಗುರುದೀಕ್ಷೆಯನ್ನು ಬುಧವಾರ ಮಂಗಳೂರು ಧರ್ಮಾಧ್ಯಕ್ಷ ರೈ| ರೆ| ಡಾ| ಅಲೋಶಿಯಸ್‌ ಪಾವ್‌ ಡಿ’ಸೋಜಾ ಅವರು ನೀಡಿದರು.

ಆ ಬಳಿಕ ಆಶೀರ್ವಚನ ನೀಡಿದ ಅವರು, ಗುರುದೀಕ್ಷೆ ಸ್ವೀಕರಿಸಿದವರಿಗೆ ಇರುವ ಜವಾಬ್ದಾರಿಗಳನ್ನು ವಿವರಿಸಿ
ದರು. ವಂ| ಲಾರೆನ್ಸ್‌ ಪಿಂಟೋ, ವಂ| ಆ್ಯಂಡ್ರೂ ಡಿ’ಸೋಜಾ, ವಂ| ವಿನೋದ್‌ ಲೋಬೊ, ವಂ| ಜೋಸೆಪ್ಸ್‌, ವಂ| ಪೀಟರ್‌, ವಂ| ರಾಜಪ್ಪ ಅವರು ಬಲಿಪೂಜೆಯಲ್ಲಿ ಸಹಭಾಗಿಗಳಾಗಿದ್ದರು. ಸೈಂಟ್‌ ಜೋಸೆಫ್ಸ್ ಸೆಮಿನರಿಯ ಪ್ರೊಫೆಸರ್‌ ವಂ| ರೊನಾಲ್ಡ್‌ ಸೆರಾವೊ ಧಾರ್ಮಿಕ ವಿಧಿ-ವಿಧಾನ ನೆರವೇರಿಸಿದರು. 

ಎಂಎಸ್‌ಐಜೆ ಸ್ಥಾಪಕ ವಂ| ಲಾರೆನ್ಸ್‌ ಪಿಂಟೊ ಅವರು ಗುರುದೀಕ್ಷೆ ಪಡೆಯಲು ಸಿದ್ಧರಾದ ಅಭ್ಯರ್ಥಿಯ
ಹೆಸರು ವಾಚಿಸಿದರು. ಆಂಧ್ರಪ್ರದೇಶದ ಪೂರ್ವ ಗೋದಾವರಿ ಧರ್ಮಪ್ರಾಂತದ ಪಲ್ಲಿವೇಲ ಚರ್ಚಿನ ವಂ| ಅಶೋಕ್‌ ನಲ್ಲ ಗುರುದೀಕ್ಷೆ ಸ್ವೀಕರಿಸಿದರು.