Moodbidri ಪರಿಸರದಲ್ಲಿ ಸಕ್ರಿಯರಾಗಿರುವ ಬ್ಯಾಟರಿ ಕಳ್ಳರು

Team Udayavani, Jan 2, 2025, 12:24 AM IST

ಮೂಡುಬಿದಿರೆ: ಕಳೆದ 6 ತಿಂಗಳಿನಿಂದ ವಿವಿಧ ವಾಹನಗಳ 25ಕ್ಕೂ ಅಧಿಕ ಬ್ಯಾಟರಿಗಳ ಕಳ್ಳತನ ನಡೆದಿದೆ.

ಮೂಡುಬಿದಿರೆ ತಾಲೂಕು ವ್ಯಾಪ್ತಿಯಲ್ಲಿ ನಡೆಯುವ ಕಾಮಗಾರಿಗಳಿಗೆ ಹಿಟಾಚಿ, ಜೆಸಿಬಿ, ಲಾರಿ ಹಾಗೂ ಟಿಪ್ಪರ್‌ಗಳನ್ನು ಬಳಸಲಾಗುತ್ತದೆ. ಮರುದಿನ ಅಲ್ಲೇ ಅಥವಾ ಅಕ್ಕಪಕ್ಕದಲ್ಲಿ ಕಾಮಗಾರಿ ನಡೆಯಬೇಕಾಗಿದ್ದರೆ ವಾಹನಗಳನ್ನು ಅಲ್ಲಿಯೇ ನಿಲ್ಲಿಸಬೇಕಾಗುತ್ತದೆ. ಹೀಗೆ ನಿಲ್ಲಿಸಿ ಹೋದ ವಾಹನಗಳನ್ನು ಗುರುತಿಸುವ ಕಳ್ಳರು ಯಾರೂ ಇಲ್ಲದಾಗ ರಾತ್ರಿ ವೇಳೆಗೆ ಬಂದು ಬ್ಯಾಟರಿಗಳನ್ನು ಕದಿಯುತ್ತಿದ್ದಾರೆ. ಒಂದೇ ವಾಹನದಿಂದ ಹಲವು ಬಾರಿ ಬ್ಯಾಟರಿಗಳನ್ನು ಕದ್ದಿದ್ದೂ ಇದೆ.

ಅದರಲ್ಲಿ ರೋಹನ್‌ ಕಡೋìಜಾ ಅವರ ವಾಹನದಿಂದ 4 ಬ್ಯಾಟರಿ (37 ಸಾವಿರ ರೂ.), ರಂಜಿತ್‌ ಪೂಜಾರಿ ತೋಡಾರು ಅವರ ಟಿಪ್ಪರ್‌ನಿಂದ 3 ಬ್ಯಾಟರಿ (32 ಸಾವಿರ ರೂ.), ಭಟ್ರಾ ಪಡುಮೊಗರು ಅವರ 2 ಬ್ಯಾಟರಿ (30 ಸಾವಿರ ರೂ.), ಮ್ಯಾಕ್ಸಿ ವೆಲಂಕಣಿ ಬಸ್‌ನಿಂದ 4 (60 ಸಾವಿರ ರೂ.), ರಮಾ ಬೆಳುವಾಯಿ ಅವರ 1 (15 ಸಾವಿರ ರೂ.), ಜೆನೆಟ್‌ ಮೇರಿ 1 (15 ಸಾವಿರ ರೂ.), ಅಭಿಮಾನ್‌ 1 (15 ಸಾವಿರ ರೂ.), ಸ್ವಸ್ತಿಕ್‌ 1 (15 ಸಾವಿರ ರೂ.) ಹಾಗೂ ದಿವ್ಯೇಶ್‌ 1 (15 ಸಾವಿರ ರೂ.) ಹೆಸರಿನ ವಾಹನಗಳಿಂದ ಸುಮಾರು 2.49 ಲಕ್ಷ ರೂ. ಬೆಲೆಬಾಳುವ ಬ್ಯಾಟರಿಗಳು ಕಳವಾಗಿದೆ. ಪೊಲೀಸರಿಗೆ ದೂರು ನೀಡಲಾಗಿದ್ದರೂ, ಸಿಸಿ ಟಿವಿ ಕೆಮರಾಗಳ ಪರಿಶೀಲನೆ ನಡೆಸಲಾಗಿದ್ದರೂ ಕಳ್ಳರ ಪತ್ತೆ ಕಾರ್ಯವಾಗಿಲ್ಲ.