ವೇಣೂರು ಐಸಿವೈಎಂಗೆ ‘ಅತ್ಯುತ್ತಮ ಕಾರ್ಯಕ್ರಮ ಘಟಕ ಪ್ರಶಸ್ತಿ’

Team Udayavani, Jul 3, 2017, 3:20 AM IST

ವೇಣೂರು: ಭಾರತೀಯ ಕೆಥೊಲಿಕ್‌ ಯುವ ಸಂಚಲನ (ಐಸಿವೈಎಂ) ವೇಣೂರು ಘಟಕಕ್ಕೆ ಬೆಳ್ತಂಗಡಿ ತಾಲೂಕಿನಲ್ಲಿ 2016-17ನೇ ಸಾಲಿನ ‘ಅತ್ಯುತ್ತಮ ಕಾರ್ಯಕ್ರಮ ಘಟಕ’ ಪ್ರಶಸ್ತಿ ಲಭಿಸಿದೆ. ಆಲಂಗಾರು ಚರ್ಚ್‌ ವಠಾರದಲ್ಲಿ ವೇಣೂರು ಐಸಿವೈಎಂ ವತಿಯಿಂದ ನಡೆದ ವಾರ್ಷಿಕ ವಾಸ್ತವ್ಯ ಶಿಬಿರದ ಯಶಸ್ವಿ ಆಯೋಜನೆಗೆ ಈ ಪ್ರಶಸ್ತಿ ಲಭಿಸಿದೆ. ನಾರಾವಿಯಲ್ಲಿ ಜರಗಿದ ಕಾರ್ಯಕ್ರಮದಲ್ಲಿ ಮಂಗಳೂರು ಧರ್ಮಪ್ರಾಂತ್ಯದ ಐಸಿವೈಎಂ ನಿರ್ದೇಶಕರಾದ ವಂ|ಸ್ವಾ| ರೊನಾಲ್ಡ್‌ ಡಿ’ಸೋಜಾ  ಅವರು ಈ ಪ್ರಶಸ್ತಿ ಪ್ರದಾನ ಮಾಡಿದರು. ವೇಣೂರು ಘಟಕದ ಐಸಿವೈಎಂ ನಿರ್ದೇಶಕರಾದ ವಂ|ಸ್ವಾ| ಆ್ಯಂಟನಿ ವಿ. ಲೂವಿಸ್‌ ಘಟಕಕ್ಕೆ ಶುಭ ಕೋರಿದರು.

ಕಾರ್ಯಕ್ರಮದಲ್ಲಿ ನಾರಾವಿ ಸಂತ ಅಂತೋನಿ ಚರ್ಚ್‌ನ ಧರ್ಮಗುರು ವಂ|ಸ್ವಾ| ಸೈಮನ್‌ ಡಿ’ಸೋಜಾ, ನಾರಾವಿ ಚರ್ಚ್‌ ಕಾಲೇಜಿನ ಪ್ರಾಚಾರ್ಯರಾದ ವಂ|ಸ್ವಾ| ಅರುಣ್‌ ವಿಲ್ಸನ್‌ ಲೋಬೋ, ಐಸಿವೈಎಂ ಬೆಳ್ತಂಗಡಿ ವಲಯಾಧ್ಯಕ್ಷ ಜೋವೆಲ್‌ ಫೆರ್ನಾಂಡಿಸ್‌, ಕಾರ್ಯದರ್ಶಿ ರಿಚರ್ಡ್‌ ರೋಡ್ರಿಗಸ್‌, ಬೆಳ್ತಂಗಡಿ ಪ್ರಾಂತೀಯ ಪ್ರತಿನಿಧಿ ಅನೀಶ್‌ ಆಲಂಗಾರು, ಮತ್ತಿತರರು ಉಪಸ್ಥಿತರಿದ್ದರು.