ನಾಳೆ ನಾಗರ ಪಂಚಮಿ: ಸಿದ್ಧತೆ

Team Udayavani, Aug 4, 2019, 10:18 AM IST

ಉಡುಪಿ/ಮಂಗಳೂರು: ಆಷಾಢ ಮಾಸ ಮುಗಿಯುತ್ತಿದ್ದಂತೆ ಹಬ್ಬಗಳ ಸಾಲಿಗೆ ಕರಾವಳಿ ತೆರೆದುಕೊಳ್ಳುತ್ತಿದೆ. ಮೊದಲನೆಯದಾದ ನಾಗರಪಂಚಮಿ ಆಚರಣೆ ಸೋಮವಾರ ನಡೆಯಲಿದ್ದು, ಜನತೆ ಸಿದ್ಧತೆಯಲ್ಲಿ ತೊಡಗಿದ್ದಾರೆ. ನಾಗಬನಗಳನ್ನು ಸ್ವತ್ಛಗೊಳಿಸುವ ಕಾರ್ಯ ಶನಿವಾರ ಹಲವೆಡೆ ನಡೆದಿದೆ. ಅಂಗಡಿಗಳಲ್ಲೂ ಖರೀದಿ ಜೋರಾಗಿದೆ.

ದಕ್ಷಿಣ ಕನ್ನಡ ಜಿಲ್ಲೆಯ ಕುಕ್ಕೆ ಸುಬ್ರಹ್ಮಣ್ಯ, ಕುಡುಪು, ಮಂಜೇಶ್ವರದ ಅನಂತೇಶ್ವರ ದೇವಸ್ಥಾನ, ಉಡುಪಿಯ ಸಗ್ರಿ ಸುಬ್ರಹ್ಮಣ್ಯ ದೇವಸ್ಥಾನ, ಶ್ರೀಕೃಷ್ಣ ಮಠದ ಸುಬ್ರಹ್ಮಣ್ಯ ಗುಡಿ, ತಾಂಗೋಡು, ಮಾಂಗೋಡು ಮತ್ತು ಅರಿತೋಡು ಮೊದಲಾದ ಸುಬ್ರಹ್ಮಣ್ಯ ಕ್ಷೇತ್ರಗಳಲ್ಲಿ ಅಭಿಷೇಕ, ಪೂಜೆಗಳು ನೆರವೇರಲಿವೆ.

ಕೇದಗೆ ದುಬಾರಿ
ಉಡುಪಿ ರಥಬೀದಿಗೆ ಶನಿವಾರವೇ ಕೇದಗೆ ಬಂದಿದೆ. ಹುಬ್ಬಳ್ಳಿಯ ವ್ಯಾಪಾರಿಗಳು ಮಹಾರಾಷ್ಟ್ರ ಸಮೀಪದ ರತ್ನಗಿರಿಯಿಂದ ತಂದಿರುವ ಸ್ವರ್ಣಕೇದಗೆ ಆಕರ್ಷಿಸುತ್ತಿದೆ. ಸೀಯಾಳದ ಬೃಹತ್‌ ರಾಶಿಗಳು ರಥಬೀದಿ ಸೇರಿದಂತೆ ನಗರ ಮತ್ತು ಗ್ರಾಮೀಣ ಭಾಗದ ಅಂಗಡಿಗಳ ಮುಂದೆ ಕಾಣಸಿಗುತ್ತಿವೆ.